Íslenska þjóðin getur verið stolt

„Vá, hvað þetta er svekkj­andi,“ sagði Davíð Snorri Jónas­son, þjálf­ari U21-árs landsliðs karla í knatt­spyrnu, í sam­tali við Viaplay eft­ir marka­laust jafn­tefli liðsins gegn Tékklandi í síðari leik liðanna í um­spili um laust sæti í loka­keppni EM 2023.

Frétt af mbl.is

Ísland úr leik eft­ir svekkj­andi jafn­tefli

Tékk­ar unnu fyrri leik liðanna 2:1 á Vík­ings­velli í Foss­vogi sl. föstu­dag og Ísland fer því ekki í loka­keppn­ina næsta sum­ar.

„Leikplanið gekk full­kom­lega upp og við löguðum það sem við ætluðum okk­ur að laga úr fyrri leikn­um. Ég er ótrú­lega stolt­ur af þess­um strák­um og það er öm­ur­legt að við séum úr leik því ég tel okk­ur hafa verið á mjög far­sælli veg­ferð með að ná þess­um bestu liðum. Reynsl­an sem þess­ir strák­ar hafa öðlast í þessu verk­efni er gríðarleg og hún mun nýt­ast þeim mjög vel í framtíðinni með A-landsliðinu.“

 Marg­ir leik­menn voru að leika sinn síðasta leik fyr­ir U21-árs liðið í dag.

„Þetta var eins og ís­lenska frammistaða á að vera og ég er ótrú­lega fúll að fá ekki að vera með þenn­an hóp áfram en það eru líka ung­ir og efni­leg­ir strák­ar að koma upp. Þetta eru allt strák­ar sem ís­lenska þjóðin get­ur verið ótrú­lega stolt af,“ bætti Davíð Snorri við.

• Blogga um frétt