Skaginn vildi þetta meira

Jón Þórir Sveins­son, þjálf­ari Fram, var svekkt­ur eft­ir 3:2-tap gegn ÍA á Akra­nesi í neðri hluta Bestu deild­ar karla í knatt­spyrnu í dag.

„Það er súrt að tapa en heilt yfir vildi Skag­inn þetta meira og því áttu þeir sig­ur­inn lík­lega bara skilið þegar uppi er staðið.“

Rok og rign­ing var á Akra­nesi í dag sem bauð ekki uppá sér­lega fal­leg­an fót­bolta. Hafði það mik­il áhrif á gang leiks­ins?

„Það var erfitt að spila fót­bolta í dag og úr­slit­in sner­ust ekk­ert um fót­bolta. Þetta sner­ist miklu meira um vilja, vinnslu og bar­áttu og í seinni hálfleik, sér­stak­lega eft­ir að þeir jafna, fannst mér Skaga­menn bara grimm­ari og langa þetta meira.“

Fram er í 8. sæti deild­ar­inn­ar, næst efsta sæti neðri hlut­ans. Það er í raun að litlu að keppa fyr­ir liðið nema þá að reyna að enda fyr­ir ofan Kefla­vík og verða því í efsta sæti neðri hlut­ans.

„Maður vill vinna alla leiki, al­veg sama hvernig staðan er. Við mun­um fara í þessa þrjá leiki til að vinna þá. Við erum í þess­ari bar­áttu, eins fá­rán­legt og það er að þurfa að fara í fimm leikja bar­áttu við þess­ar aðstæður. Það eina sem þú ert að keppa að er að falla ekki, þrátt fyr­ir að vera með fjög­ur lið fyr­ir neðan þig og sex stig í fallsæti. En þetta er bara staðan og við tök­um því bara.“

• Blogga um frétt