Myndir: Forsetinn mættur til Portúgals

Guðni Th. Jó­hann­es­son for­seti Íslands er mætt­ur til Portú­gals til þess að fylgj­ast með ís­lenska kvenna­landsliðinu í knatt­spyrnu sem mæt­ir Portúgal í um­spili um laust sæti á HM 2023 í Porto í dag.

Guðni flaug til Porto í morg­un ásamt fjölda Íslend­inga en flug­vél Icelanda­ir sem flutti ís­lensku stuðnings­menn­ina yfir Atlants­hafið lenti heilu og höldnu í Porto í morg­un.

Leik­ur Íslands og Portú­gals hefst klukk­an 17 að ís­lensk­um tíma en tak­ist Íslandi að vinna í venju­leg­um leiktíma er liðið komið með þátt­töku­rétt á heims­meist­ara­mót­inu á næsta ári sem fram fer í Ástr­al­íu og Nýja-Sjálandi.

Eggert Jó­hann­es­son, ljós­mynd­ari Morg­un­blaðsins og mbl.is, flaug til Portú­gals í morg­un og fangaði stemn­ing­una hjá ís­lensku stuðnings­mönn­un­um.