Jóhann Kristinn snýr aftur til Akureyrar

Jó­hann Krist­inn Gunn­ars­son hef­ur verið ráðinn þjálf­ari kvennaliðs Þórs/​KA í knatt­spyrnu.

Þetta til­kynnti fé­lagið á heimasíðu sinni í dag og skrifaði hann und­ir þriggja ára samn­ing við fé­lagið.

Hann þekk­ir vel til hjá fé­lag­inu en hann tók fyrst við liðinu árið 2011 og gerði Þór/​KA að Íslands­meist­ur­um árið 2012.

Hann stýrði liðinu í fimm ár áður en hann lét af stöf­um árið 2016 þegar hann tók við karlaliði Völsungs á Húsa­vík sem hann hef­ur stjórnað und­an­far­in ár.

„Ég er mjög ánægður með að vera kom­inn aft­ur í Þór/​KA og það er mik­ill heiður að fá að taka við þessu starfi á ný,“ sagði Jó­hann Krist­inn.

Ég finn fyr­ir mikl­um krafti og metnaði hjá stjórn­inni og líst vel á þeirra hug­mynd­ir og stefnu. Ég veit að efniviður­inn er mik­ill hérna og það býr heil­mikið í liðinu. Það er bara spenn­ing­ur að byrja og hjálpa liðinu að vaxa og dafna.

Það er eng­in spurn­ing að það er skýr stefna Þór/​KA að vera eitt af sterk­ustu liðum lands­ins. Ég er al­veg sann­færður um að framtíðin er björt hjá liðinu og leik­mönn­um þess,“ sagði Jó­hann.

• Blogga um frétt