Lagleg þrenna Ísabellu gegn Frakklandi (myndskeið)

Hin unga og bráðefnilega Ísabella Sara Tryggvadóttir, leikmaður KR, gerði sér lítið fyrir og skoraði þrennu í fyrri hálfleik í 4:6-tapi U17-ára landsliðs stúlkna gegn Frakklandi í undankeppni EM 2023 á þriðjudag.

Ísabella Sara, sem er nýorðin 16 ára, hefur þrátt fyrir ungan aldur átt fast sæti í liði KR undanfarin tvö tímabil þar sem hún lék 16 leiki og skoraði tvö mörk í Bestu deildinni í á rog 13 leiki og skoraði eitt mark í B-deildinni á síðasta ári.

Alls hefur hún skorað sjö mörk í 19 landsleikjum fyrir U16 og U17-ára landslið Íslands.

Þess má til gamans geta að Ísabella Sara á ekki langt að sækja hæfileikana þar sem Tryggvi Guðmundsson, markahæsti leikmaður í sögu efstu deildar karla, er faðir hennar.

Þá er Guðmundur Andri Tryggvason, sóknarmaður Vals, eldri bróðir hennar.

Mörkin þrjú sem Ísabella Sara skoraði og mark Hörpu Helgadóttur gegn Frakklandi á þriðjudag má sjá hér:

• Blogga um frétt