Selfoss riftir samningi Króatans

Knatt­spyrnu­deild Sel­foss hef­ur ákveðið að rifta samn­ingi króa­tíska fram­herj­ans Hrvoje Tokic og hef­ur hann því leikið sinn síðasta leik fyr­ir fé­lagið.

Tokic kom til Sel­foss um mitt sum­arið 2018, en hann hef­ur einnig leikið með Vík­ingi frá Ólafs­vík og Breiðabliki hér á landi. Hann skoraði sex mörk í tólf leikj­um í 1. deild­inni á leiktíðinni.

„Tokic hef­ur tekið þátt í upp­gangi fé­lags­ins á und­an­förn­um árum en nú er komið að öðrum að taka við kefl­inu,“ seg­ir í yf­ir­lýs­ingu fé­lags­ins.

Hann hef­ur spilað 119 deild­ar­leiki hér á landi og skorað í þeim 84 mörk. Af leikj­un­um 119 eru 42 í efstu deild, þar sem sókn­ar­maður­inn hef­ur gert 14 mörk.

• Blogga um frétt