Valur krækir í markadrottningu

Guðrún Elísabet Björgvinsdóttir, knattspyrnukona úr Aftureldingu, er gengin til liðs við Val og hefur samið við Hlíðarendafélagið til næstu þriggja ára.

Guðrún Elísabet er 22 ára gömul og sló í gegn á síðasta ári en hún varð þá markadrottning 1. deildar, skoraði 23 mörk í 17 leikjum fyrir Aftureldingu og átti drjúgan þátt í að koma liði sínu upp í Bestu deildina fyrir tímabilið 2022.

Þar náði hún hins vegar ekki að spila mikið vegna meiðsla og lék ekki með liðinu fyrr en í síðustu átta umferðunum en skoraði þá tvö fyrstu mörk sín í efstu deild.

• Blogga um frétt