Landsliðskona lætur KSÍ heyra það
Setja bókamerki
Dagný Brynjarsdóttir, landsliðskona Íslands í knattspyrnu, birti áhugaverða færslu á samfélagsmiðlinum Instagram í dag.
Í færslunni gagnrýndi hún vinnubrögð KSÍ en Aron Einar Gunnarsson, fyrirliði íslenska karlalandsliðsins, lék í dag sinn 100. A-landsleik gegn Sádi-Arabíu í vináttulandsleik sem fram fór í Abu Dhabi í Sameinuðu arabísku furstadæmunum.
Eftir leikinn fékk Aron Einar landsliðstreyju að gjöf frá Knattspyrnusambandinu, með nafni sínu á treyjunni ásamt tölunni 100.
„Birkir Bjarna fékk treyju eftir sinn leik í september 2021,“ skrifaði Dagný á Instagram.
„Aron Einar fékk treyju eftir sinn leik í dag. Við Glódís Perla [Viggósdóttir] erum ennþá að bíða eftir okkar 100 leikja treyju síðan í apríl!
Litlu hlutirnir í þessari blessuðu baráttu alla daga,“ bætti Dagný við en hún og Glódís Perla léku báðar sinn 100. landsleik gegn Hvíta-Rússlandi hinn 7. apríl í undankeppni HM 2023 í Belgrad í Serbíu.
Fullvissa ferðamenn um að hér sé öruggt
„Höfum sloppið bærilega með skaða af þessu gosi“
Hraun kemur úr þremur gígum: Virknin stöðug
Litlar líkur á að hraunið nái til mannvirkja
/frimg/1/53/8/1530844.jpg)
Myndir: Náttúrulegur þröskuldur að taka við
Dómur þyngdur um þrjú ár
Rússar sagðir útvega N-Kóreu milljón olíutunnur