Heimir gerði þriggja ára samning við FH

Heimir Guðjónsson gerði í kvöld þriggja ára samning við knattspyrnudeild FH og mun hann þjálfa karlalið félagsins. Sigurvin Ólafsson verður aðstoðarmaður Heimis. 

Heim­ir er goðsögn hjá FH, en hann gerði liðið fimm sinn­um að Íslands­meist­ara, síðast árið 2016. Þá lék hann einnig með liðinu á ár­un­um 2000 til 2005 og varð meist­ari síðustu tvö árin.

Eft­ir gott gengi hjá FH stýrði Heim­ir bæði Val og HB í Fær­eyj­um. Gerði hann bæði lið að lands­meist­ara, áður en hann var lát­inn taka pok­ann sinn hjá Val í sum­ar.

Þá verða þeir Björn Daníel Sverrisson og Eggert Gunnþór Jónsson áfram hjá félaginu, en þeir voru samningslausir eftir síðustu leiktíð. 

Heimir fær verðugt verkefni hjá FH, því liðið rétt hélt sér uppi í deild þeirra bestu á markatölu á nýliðinni leiktíð. 

• Blogga um frétt