Patrik er á leiðinni til Breiðabliks
Setja bókamerki
Færeyski knattspyrnumaðurinn Patrik Johannesen er á leiðinni til Breiðabliks frá Keflavík. Þetta staðfesti hann sjálfur.
Færeyingurinn er búinn að vera mikið í umræðunni undanfarnar vikur en hann átti gott tímabil með Keflavík í ár. Lengi hefur verið orðað hann við Breiðablik en hlaðvarpið Dr. Football greindi frá því í gær að Patrik væri á leiðinni til Breiðabliks frá Keflavík fyrir metfé eða 11 milljónir króna.
Patrik er í landsliðsverkefni með Færeyjum þessa stundina og spilaði 70. mínútur í 1:1 jafntefli gegn Kósovó í gær. Eftir leikinn spurði færeyski fjölmiðilinn Roysni.fo Patrik út í félagaskipti hans til Breiðabliks.
Færeyingurinn svaraði því með að segja að búið sé að semja um kaup og kjör. Aðeins læknisskoðun sé eftir áður en hann skrifi formlega undir samninginn.
„Hagræðingarmál eru í fyrsta sæti“
Auðlindagjaldið hljómar vel
Íslendingar vanir að klæða sig vel
„Átti von á fleiri útköllum“
Fyrsti ríkisstjórnarfundurinn hafinn
„Umferðin greinilega að þyngjast“