Piltarnir unnu örugglega í vítaspyrnukeppni

Íslenska U16-ára landsliðið í knattspyrnu karla hafði betur gegn Armeníu eftir vítaspyrnukeppni á þróunarmóti Knattspyrnusambands Evrópu, UEFA, á Möltu í morgun.

Staðan að loknum venjulegum leiktíma var jöfn, 1:1, þar sem Thomas Arnarsson skoraði mark íslensku piltanna.

Að leik loknum var farið beint í vítaspyrnukeppni þar sem Ísland hafði örugglega betur, 4:1.

Haraldur Brynjarsson, Freysteinn Guðnason, Þorri Bergmann og Jónatan Arnarsson skoruðu úr sínum spyrnum í vítaspyrnukeppninni.

Um var að ræða fyrsta leik U16-ára liðsins á þróunarmótinu á Möltu.

• Blogga um frétt