„Staðan ekkert sérstök“

Sæv­ar Leifs­son, vall­ar­stjóri gras- og aðal­vall­ar Kefla­vík­ur í Bestu deild­um karla og kvenna í knatt­spyrnu, seg­ir stöðuna á vell­in­um ekki góða.

Ekki var unnt að spila á hon­um þegar Kefla­vík mætti KR í fyrsta heima­leik karlaliðsins í Bestu deild­inni um liðna helgi. Þess í stað var leikið á gervi­grasvell­in­um við hlið Reykja­nes­hall­ar­inn­ar.

„Staðan á vell­in­um er bara ekk­ert sér­stök,“ sagði Sæv­ar um aðal­völl­inn í sam­tali við mbl.is.

Frétt af mbl.is

„Grasið hérna er grænt“

Hann kvaðst ekki vita ná­kvæm­lega hvenær hægt yrði að spila a aðal­vell­in­um en að það yrði að minnsta kosti ekki í þess­ari viku.

„Við skoðum það í næstu viku hvernig þetta lít­ur út. Það er bikarleik­ur á miðviku­dag­inn sem er skráður á gervi­gras­inu. Svo er leik­ur aðra helgi og það verður tek­in ákvörðun í næstu viku um hvar hann verður spilaður.“

Kefla­vík fær ÍA í heim­sókn í 32-liða úr­slit­um bik­ar­keppni karla næst­kom­andi miðviku­dag og verður sá leik­ur spilaður á gervi­grasvell­in­um við hlið Reykja­nes­hall­ar­inn­ar.

Næsti heima­leik­ur er svo leik­ur karlaliðsins gegn ÍBV eft­ir þann 29. apríl og líkt og Sæv­ar seg­ir kem­ur það i ljós í næstu viku hvort unnt verði að spila hann á aðal­vell­in­um.

• Blogga um frétt