Þrjú lið geta farið upp fyrir Víking

KR, HK og FH eiga öll mögu­leika á að kom­ast upp fyr­ir Vík­ing og á topp Bestu deild­ar karla í fót­bolta þegar þriðju um­ferð deild­ar­inn­ar lýk­ur í kvöld.

Vík­ing­ar eru eina liðið sem hef­ur ekki tapað stigi og þeir fá tap­lausa KR-inga í heim­sókn í Foss­vog­inn. Vík­ing­ar eru með sex stig og hafa ekki fengið á sig mark en KR-ing­ar eru með fjög­ur stig og færu upp fyr­ir þá með sigri.

HK sæk­ir Stjörn­una heim í Garðabæ og get­ur líka kom­ist í sjö stig með sigri í kvöld. HK er með fjög­ur stig eft­ir fyrstu tvo leik­ina en Stjörnu­menn sitja á botn­in­um, án stiga og eiga líka eft­ir að skora mark á tíma­bil­inu.

FH-ing­ar fara upp í Árbæ og leika þar við Fylk­is­menn. FH er með fjög­ur stig eft­ir fyrstu tvo leik­ina en nýliðar Fylk­is hafa tapað báðum sín­um leikj­um.

Leik­ir kvölds­ins hefjast all­ir klukk­an 19.15 og verða all­ir í bein­um texta­lýs­ing­um hér á mbl.is.

• Blogga um frétt