Gylfi Þór velkominn á æfingar
Setja bókamerki
Knattspyrnumaðurinn Gylfi Þór Sigurðsson er velkominn á æfingar hjá uppeldisfélagi sínu FH en hann sneri aftur til landsins um þarsíðustu helgi eftir tveggja ára farbann á Englandi.
Þetta tilkynnti Davíð Þór Viðarsson, yfirmaður knattspyrnumála hjá FH, í samtali við fótbolta.net í dag.
Gylfi Þór, sem er 33 ára gamall, er án félags en samningur hans við enska úrvalsdeildarfélagið Everton rann út síðasta sumar.
Hafa ekki sett sig í samband við Gylfa
„Nei, það höfum við ekki gert,“ sagði Davíð Þór þegar hann var spurður hvort félagið hefði verið í sambandi við Gylfa eftir að hann sneri aftur til landsins.
„Við höfum ekkert talað við hann eða neitt svoleiðis, en að sjálfsögðu væri hann alltaf velkominn á æfingar hjá okkur. Það segir sig bara sjálft, þetta er einn allra besti leikmaður sem við Íslendingar höfum átt.
Ef hann vill eitthvað prófa að fara í fótbolta þá er hann svo sannarlega velkominn að koma á æfingar hjá okkur, og ég held að hann viti það svo sem alveg,“ bætti Davíð við í samtali við fótbolta.net.
RARIK greiðir bætur vegna raftækja
„Ég held að þetta verði ekki svo jafnt“
Menn með tengsl við Islamic Jihad á Íslandi
„Umbjóðanda mínum er mjög létt“
Sjö ára dómur yfir Theodóri staðfestur
„Mikil neyð hjá mörgu fólki“
