Lánaður frá Breiðabliki í HK

HK hefur fengið framherjann Eyþór Aron Wöhler lánaðan frá nágrönnum sínum í Breiðabliki og styrkir með því sóknarlínu sína fyrir baráttuna í Bestu deild karla í fótbolta.

Eyþór, sem er 21 árs gamall, er uppalinn hjá Aftureldingu en hefur leikið með ÍA undanfarin tvö tímabil og var markahæsti leikmaður Skagamanna í Bestu deildinni í fyrra með níu mörk í 25 leikjum.

Hann hefur aðeins komið einu sinni við sögu sem varamaður hjá Blikum í þremur fyrstu umferðum deildarinnar en það var einmitt í leiknum gegn HK í fyrstu umferðinni.

Eyþór hefur leikið ellefu leiki með yngri landsliðum Íslands, einn þeirra með 21-árs landsliðinu.

Eyþór Aron Wöhler í leik með Breiðabliki gegn Víkingi á undirbúningstímabilinu. mbl.is/Arnþór Birkisson

• Blogga um frétt