Vinsælustu leikir Íslandsmótsins

Leik­ir Breiðabliks og KR í efstu deild karla í knatt­spyrnu hafa verið best sóttu leik­ir Íslands­móts­ins und­an­far­in ár.

Þetta kom fram í skýrslu KSÍ og Deloitte um fjár­mál ís­lenskra knatt­spyrnuliða sem nær yfir tíma­bilið 2019 til 2022.

Alls mættu að meðaltali 1.522 áhorf­end­ur á níu leiki liðanna á ár­un­um 2019 til 2022 en það skekk­ir heild­ar­töl­urn­ar tals­vert að kór­ónu­veirufar­ald­ur­inn hafði mik­il áhrif á mæt­ingu á leiki liðanna í þrígang, það er árin 2020 og 2021.

Ef þess­ir þrír leik­ir eru tekn­ir í burtu var meðaláhorf­enda­fjöld­inn 2.055 áhorf­end­ur á leiki Breiðabliks og KR sem verður að telj­ast afar gott.

Kvenna­meg­in eru það stór­leik­ir Breiðabliks og Vals sem eru mest sótt­ir af áhorf­end­um en þar er meðal áhorf­enda­fjöld­inn 626 áhorf­end­ur.

Ef leik­irn­ir þrír, í kór­ónu­veirufar­aldr­in­um, eru tekn­ir út úr reikn­ings­dæm­inu þá er meðaláhorf­enda­fjöld­inn 738 áhorf­end­ur.

Kvenna­meg­in hafa það verið leik­ir Breiðabliks og Vals sem hafa verið mest sótt­ir. mbl.is/​Eggert Jó­hann­es­son

• Blogga um frétt