Leikurinn stöðvaður til að minnast Þuríðar
Sunneva Helgadóttir skoraði fyrra mark Fylkis í kvöld, en hún leikur í treyju númer 20, sem var eftirlætis númer Þuríðar Örnu Óskarsdóttur heitinnar.
mbl.is/Óttar Geirsson
Setja bókamerki
Leikur Fylkis og Aftureldingar í 1. deild kvenna í knattspyrnu í kvöld var stöðvaður á 20. mínútu svo áhorfendur gætu minnst Þuríðar Örnu Óskarsdóttur, tvítugs stuðningsmanns Fylkis, sem féll frá í mars síðastliðnum eftir löng og erfið veikindi.
Á 20. mínútu klöppuðu allir viðstaddir á Fylkisvellinum í kvöld til minningar um Þuríði Örnu, sem glímdi stærstan hluta ævi sinnar við illvígt heilaæxli.
Móðir hennar, Áslaug Arna Hinriksdóttir, þakkaði Fylki fyrir að minnast dóttur sinnar og benti á það á Twitter-aðgangi sínum í kvöld að talan 20 hafi verið eftirlætis tala Þuríðar Örnu, en hún fæddist þann 20. maí árið 2002 og féll frá þann 20. mars síðastliðinn.
Er bókin ónothæf eða góð yfirferð?
Alvarlegt flugumferðaratvik: Enski boltinn truflaði
Yrði leiðinlegt líf án smá átaka
Hvorki Danir né Bandaríkjamenn að grínast
Fuglainflúensa greindist í ref
Ráðherrar eigi ekki að ýja að ítökum innan lögreglu
Flugvél hrapaði í Fíladelfíu
Ráðherra ekki á fundi varnarmálaráðherra