Íþróttir | Íslenski fótboltinn | mbl | 4.5.2023 | 23:00

Góð liðsframmistaða hjá okkur

Logi Tómasson, leikmaður Víkings R. Ljósmynd/Kristinn Steinn

Logi Tómasson, leikmaður Víkings Reykjavík, sagðist í samtali við mbl.is vera mjög ánægður með 4:1 sigur sinna manna á Keflavík í fimmtu umferð Bestu deildar karla í fótbolta í kvöld.

Ekkert sem stoppar Víking

„Góður sigur hjá okkur í dag og góð liðsframmistaða hjá okkur enn og aftur. Pirrandi að fá þetta mark á okkur, við leggjum mikið upp úr því að halda hreinu en fáum á okkur eitt í dag.“

Erfitt að kvarta mikið eftir svona sigur

Arnar Gunnlaugsson, þjálfari Víkinga, var duglegur að öskra á sína menn af hliðarlínunni í dag, sérstaklega í fyrri hálfleik. Logi segir að fyrri hálfleikurinn hafi svo sannarlega ekki verið sá besti sem Víkingar hafa sýnt á tímabilinu.

„Þetta var alls ekki besti hálfleikur sem við höfum spilað. Við náum að skora eitt mark og þetta var svona allt í lagi frammistaða en við spiluðum mjög vel í seinni og vorum hættulegir fram á við. Við klárum leikinn frekar snemma í seinni hálfleik en gefum aðeins eftir þegar við erum komnir í 3:0. Það er erfitt að vera endalaust á bensíngjöfinni þegar við erum tveimur til þremur mörkum yfir en við sigldum þessu þægilega heim.“

Frétt af mbl.is

Þeir áttu sigurinn fullkomlega skilið

Logi hefur verið að spila vinstri bakvörð í undanförnum leikjum en hann kemur mikið inn á miðjuna í sóknarleik Víkinga. Hann segist vera mjög ánægður með þessa þróun á leik sínum og hrósar Arnari Gunnlaugssyni þjálfara.

„Ég held að ég sé búinn að spila allar stöður í þessu liði. Arnar er duglegur að halda manni á tánum og gerir það vel með því að láta mann spila út um allt. Maður er búinn að vera lengi í þessu liði og með Arnari, það verður til þess að maður kann nánast að spila allar stöður sem er mjög gott.“

Frétt af mbl.is

Ég hef byrjað tímabilið mjög vel

Næsti leikur Víkinga er á móti ÍBV í Vestmannaeyjum. Logi segir að Víkingar mæti klárir í þann leik.

„Þetta verður baráttuleikur og við þurfum að spila góðan varnarleik á móti þeim. Það er bara áfram gakk og vinna alla leiki, þá endar þetta bara á einn veg.“ sagði Logi glaður í bragði.