Sex mörk og rautt spjald

Breiðablik vann útisig­ur á Kefla­vík, 6:0, í 3. um­ferð Bestu deild­ar kvenna í fót­bolta í kvöld í afar viðburðarrík­um leik á gervi­grasvell­in­um við Reykja­nes­höll­ina.

Breiðablik er þar með komið í efsta sæti deild­ar­inn­ar með sex stig og betri marka­tölu en Val­ur og Þrótt­ur sem eiga leik til góða. Kefla­vík tapaði sín­um fyrsta leik og er með fjög­ur stig.

Það var ljóst frá fyrstu mín­útu leiks­ins í hvað stefndi. Breiðablik var miklu betra liðið á öll­um sviðum. Fyrsta mark leiks­ins kom eft­ir aðeins 58 sek­únd­ur. Þá skoraði Andrea Rut Bjarna­dótt­ir eft­ir fyr­ir­gjöf, 1:0.

Á 23. mín­útu leiks­ins sendi Agla María Al­berts­dótt­ir bolt­ann fyr­ir markið og Kristrún Ýr Holm setti bolt­ann í eigið mark. Staðan var 2:0 fyr­ir Breiðabliki.

Aðeins rúm­lega mín­útu síðar fékk Breiðablik víta­spyrnu þegar Júlía Ruth Thasap­hong fór í bakið á leik­manni Breiðabliks. Júlía upp­skar gult spjald fyr­ir brotið. Úr vít­inu skoraði Agla María Al­berts­dótt­ir og staðan var þá orðin 3:0.

Örfá­um and­ar­tök­um síðar fékk Júlía sitt annað gula spjald og þar með rautt þegar hún virt­ist gefa leik­manni Breiðabliks oln­boga­skot. Leik­manni færri átti Kefla­vík aldrei mögu­leika í leikn­um.

Á 39. mín­útu leiks­ins skoraði Katrín Ásbjörns­dótt­ir fjórða mark Breiðabliks eft­ir að Hafrún Rakel Hall­dórs­dótt­ir skaut bolt­an­um í þverslá. Þannig stóðu leik­ar í hálfleik, 4:0 fyr­ir Breiðabliki.

Í síðari hálfleik þróaðist leik­ur­inn á sömu leið og sá fyrri. Breiðablik sótti stíft og upp­skar tvö mörk til viðbót­ar. Á 49. mín­útu skoraði Tayl­or Ziemer með fal­legu skoti utan víta­teigs og á 64. mín­útu skoraði Hafrún Rakel Hall­dórs­dótt­ir glæsi­legt mark hægra meg­in úr víta­teign­um eft­ir send­ingu frá Öglu Maríu Al­berts­dótt­ur.

Loka­töl­ur voru 6:0 fyr­ir Breiðabliki í al­gjör­um ein­stefnu­leik.

M-ein­kunna­gjöf­in og ein­kunn dóm­ara verða birt í Morg­un­blaðinu í fyrra­málið. 

Kefla­vík	0:6	Breiðablik	Opna lýs­ingu Loka
90. mín. Vara­dóm­ar­inn gef­ur til kynna að 3 mín­út­um sé bætt við leiktím­ann.
Mörk Andrea Rut Bjarnadóttir (1. mín.) Breiðablik (23. mín.) Agla María Albertsdóttir (25. mín.) Katrín Ásbjörnsdóttir (39. mín.) Taylor Ziemer (49. mín.) Hafrún Rakel Halldórsdóttir (64. mín.) Júlía Ruth Thasaphong (25. mín.) Júlía Ruth Thasaphong (27. mín.) Sandra Voitane (29. mín.) Spjöld Toni Pressley (16. mín.) Hafrún Rakel Halldórsdóttir (32. mín.) mín. 90 Leik lokið 90 Ekkert kemur út úr aukaspyrnunni og markspyrna niðurstaðan. 90 Breiðablik fær hér aukaspyrnu fyrir utan teig. Agla María gerir sig klára í að senda boltann inn í teig. 90 Það hefur lítið gerst síðustu 10 mínúturnar í leiknum. Leikurinn hefur róast mikið enda úrslitin löngu ljós. 90 Varadómarinn gefur til kynna að 3 mínútum sé bætt við leiktímann. 90 Elín Helena Karlsdóttir (Breiðablik) á skot yfir 89 Breiðablik fær hornspyrnu 85 Breiðablik fær hornspyrnu 79 Breiðablik fær hér aukaspyrnu við vítateigshornið hægra megin. Það gæti komið eitthvað út úr þessu. 76 Clara Sigurðardóttir (Breiðablik) kemur inn á 76 Andrea Rut Bjarnadóttir (Breiðablik) fer af velli 75 Þórhildur Ólafsdóttir (Keflavík) kemur inn á 75 Clara Sigurðardóttir (Breiðablik) fer af velli 75 Alma Rós Magnúsdóttir (Keflavík) kemur inn á 75 Linli Tu (Keflavík) fer af velli 74 Breiðablik fær hornspyrnu 70 Toni Pressley (Breiðablik) á skalla yfir Toni Pressley í dauðafæri. Hornspyrna frá hægri og Toni skallar yfir. 69 Breiðablik fær hornspyrnu 67 Birta Georgsdóttir (Breiðablik) kemur inn á 67 Hafrún Rakel Halldórsdóttir (Breiðablik) fer af velli 67 Írena Héðinsdóttir Gonzalez (Breiðablik) kemur inn á 67 Ásta Eir Árna­dótt­ir (Breiðablik) fer af velli 67 Vigdís Lilja Kristjánsdóttir (Breiðablik) kemur inn á 67 Taylor Ziemer (Breiðablik) fer af velli 67 Elín Helena Karlsdóttir (Breiðablik) á skalla sem fer framhjá 66 Breiðablik fær hornspyrnu 64 MARK! Hafrún Rakel Halldórsdóttir (Breiðablik) skorar 0:6. Sturlað mark hjá Hafrúnu. Agla María sendir boltann fyrir frá vinstri. Boltinn fer yfir teiginn og lendir hjá Hafrúnu sem þrumar boltanum upp í vinstra hornið. Frábært mark. 63 Amelía Rún Fjeldsted (Keflavík) kemur inn á 63 Sandra Voitane (Keflavík) fer af velli 61 Breiðablik fær hornspyrnu Karitas tekur skot fyrir utan teig sem fer af leikmanni Keflavíkur og afturfyrir. 57 Breiðablik fær aukaspyrnu úti á vinstri kantinum. Bergþóra tekur stutt spil úr spyrnunni. 56 Taylor Ziemer (Breiðablik) á skalla sem er varinn 53 Breiðablik fær hornspyrnu 52 Breiðablik fær hornspyrnu Ásta tekur hér skot sem fer af varnarmanni og afturfyrir. Hornspyrna. 51 Breiðablik fær hornspyrnu 49 MARK! Taylor Ziemer (Breiðablik) skorar Taylor fær boltann eftir innkast, snýr sér á miðjunni og neglir boltanum í netið. 47 Breiðablik fær hornspyrnu 47 Leikurinn fer af stað nákvæmlega eins og fyrri hálfleikur endaði. Breiðablik sækir. 46 Seinni hálfleikur hafinn 46 Karitas Tómasdóttir (Breiðablik) kemur inn á 46 Katrín Ásbjörnsdóttir (Breiðablik) fer af velli 46 Elfa Karen Magnúsdóttir (Keflavík) kemur inn á 46 Kristrún Blöndal (Keflavík) fer af velli 45 Hálfleikur 44 Hafrún brunar upp hægri kantinn og gefur boltann fyrir markið. Þar mætir enginn og boltinn fer afturfyrir endamörk. 42 Agla María Albertsdóttir (Breiðablik) á skot sem er varið Boltinn kemur fyrir markið frá vinstri. Þar er Agla í dauðafæri en Vera ver. 41 Breiðablik keyrir upp vinstri kantinn og gefur boltann fyrir. Þar er Hafrún Rakel mætt en er felld í teignum og missir af boltanum. Þetta leit út fyrir að vera víti. 40 Þessi leikur er orðinn algjör einstefna eftir að Julia var send útaf. Þetta gæti endað með stórslysi fyrir Keflavík í kvöld. 39 MARK! Katrín Ásbjörnsdóttir (Breiðablik) skorar 0:4. Hafrún neglir boltanum í þverslánna og Katrín fylgir vel á eftir og setur boltann í netið. 39 Hafrún Rakel Halldórsdóttir (Breiðablik) á skot í þverslá 37 Breiðablik fær hornspyrnu Boltinn kemur fyrir þar sem Áslaug reynir að koma boltanum í netið en Vera ver í annað horn. 36 Breiðablik fær hornspyrnu 35 Breiðablik sækir upp hægri kantinn þar sem Bergþóra Sól sendir fyrir markið en ekkert verður úr sókninni. 32 Hafrún Rakel Halldórsdóttir (Breiðablik) fær gult spjald Hafrún fær hér gult spjald fyrir brot á Anítu Lind. 29 Sandra Voitane (Keflavík) fær gult spjald Sandra brýtur hér á leikmanni Breiðablik. Bríet er mjög spjaldaglöð hér í fyrri hálfleik. 27 Agla María Albertsdóttir (Breiðablik) á skot sem er varið Agla María á hér skot úr aukaspyrnu sem fer beint á Veru í marki Keflavíkur. 27 Júlía Ruth Thasaphong (Keflavík) fær rautt spjald Julia fær hér sitt annað gula spjald á örfáum mínútum og Keflavík er nú manni færri. Julia gefur leikmanni Breiðablik olnbogaskot og í raun ekkert annað en beint rautt spjald þó að Bríet hafi ákveðið að gefa henni seinna gula spjaldið. 25 Júlía Ruth Thasaphong (Keflavík) fær gult spjald 25 MARK! Agla María Albertsdóttir (Breiðablik) skorar úr víti 0:3. Agla María skorar hér úr vítinu. 25 Breiðablik fær víti Julia fer hér í bakið á leikmanni Breiðablik. 23 MARK! Breiðablik (Breiðablik) skorar 0:2. Agla María sendir boltann fyrir markið og þar fer boltinn í netið af Kristrúnu Ýr Holm. Sjálfsmark. 21 Breiðablik skorar hér mark en dæmd rangstaða. 19 Agla María Albertsdóttir (Breiðablik) á skot yfir 18 Blikar fá aukaspyrnu rétt fyrir utan vítateigsbogann. Líklega mun Agla reyna skot. 17 Taylor Ziemer (Breiðablik) á skot framhjá Taylor í ágætis færi en boltinn framhjá. 16 Toni Pressley (Breiðablik) fær gult spjald 15 Áslaug tekur hornspyrnuna og Vera Varis kýlir boltann frá. 15 Önnur hornspyrna 14 Breiðablik fær hornspyrnu 11 Breiðablik fær hornspyrnu á hægri kantinum. Agla María tekur spyrnuna sem endar aftur fyrir endamörkum. 6 Keflavík fær hornspyrnu Kemur ekkert úr hornspyrnunni. 1 MARK! Andrea Rut Bjarnadóttir (Breiðablik) skorar 0:1. Þetta var ekki lengi gert. Breiðablik sækir upp vinstri vænginn. Boltinn sendur fyrir og þar er Andrea sem afgreiðir boltann í fjær hornið. 1 Leikur hafinn Breiðablik hefur hér leikinn. 0 Leikmenn beggja liða ganga nú inn á völlinn. Vallarþulurinn undirbýr kynningu á liðunum. Það er allt að verða klárt fyrir leikinn. 0 Mikaela Nótt Pétursdóttir leikur ekki með Keflavík í Kvöld. Hún er í láni hjá Keflavík frá Brieðablik. Í hennar stað er Júlía Ruth en hún lék sinn fyrsta leik í efstu deild með Grindavík fyrir fimm árum, þá aðeins 15 ára gömul. 0 Leikurinn er liður í 3. umferðinni. Keflavík er með fjögur stig í fjórða sæti og Breiðablik þrjú í fimmta. 0 Gott kvöld og verið velkomin með mbl.is í beina textalýsingu frá leik Keflavíkur og Breiðabliks í Bestu deild kvenna í fótbolta. Sjá meira Sjá allt Keflavík: (5-3-2) Mark: Vera Varis. Vörn: Caroline Van Slambrouck, Júlía Ruth Thasaphong, Madison Wolfbauer, Anita Lind Daníelsdóttir, Kristrún Ýr Holm. Miðja: Kristrún Blöndal (Elfa Karen Magnúsdóttir 46), Sigurrós Eir Guðmundsdóttir, Dröfn Einarsdóttir. Sókn: Linli Tu (Alma Rós Magnúsdóttir 75), Sandra Voitane (Amelía Rún Fjeldsted 63). Varamenn: Esther Júlía Gustavs­dótt­ir (M), Elfa Karen Magnúsdóttir, Anita Bergrán Eyjólfsdóttir, Alma Rós Magnúsdóttir, Þórhildur Ólafsdóttir, Amelía Rún Fjeldsted, Watan Amal Fidudóttir. Breiðablik: (3-4-3) Mark: Telma Ívarsdóttir. Vörn: Elín Helena Karlsdóttir, Toni Pressley, Bergþóra Sól Ásmundsdóttir. Miðja: Hafrún Rakel Halldórsdóttir (Birta Georgsdóttir 67), Ásta Eir Árna­dótt­ir (Írena Héðinsdóttir Gonzalez 67), Taylor Ziemer (Vigdís Lilja Kristjánsdóttir 67), Áslaug Munda Gunnlaugsdóttir. Sókn: Andrea Rut Bjarnadóttir (Clara Sigurðardóttir 76, Andrea Rut Bjarnadóttir 76), Katrín Ásbjörnsdóttir (Karitas Tómasdóttir 46), Agla María Albertsdóttir. Varamenn: Aníta Dögg Guðmundsdóttir (M), Clara Sigurðardóttir, Vigdís Lilja Kristjánsdóttir, Írena Héðinsdóttir Gonzalez, Karitas Tómasdóttir, Hildur Þóra Hákonardóttir, Birta Georgsdóttir. Skot: Breiðablik 15 (10) Horn: Breiðablik 13 - Keflavík 1. Lýsandi: Jón Kristinn Jónsson Völlur: Nettóhöllin-gervigras Leikur hefst 9. maí 2023 19:15 Aðstæður: Rigning og logn. Dómari: Bríet Bragadóttir Aðstoðardómarar: Eydís Ragna Einarsdóttir og Guðni Freyr Ingvarsson

• Blogga um frétt