„Besta ákvörðun sem KSÍ hefur tekið var að ráða Lars Lagerbäck sem landsliðsþjálfara,“ sagði Ragnar Sigurðsson, fyrrverandi landsliðsmaður Íslands í knattspyrnu, í Fyrsta sætinu, íþróttahlaðvarpi mbl.is og Morgunblaðsins, þegar rætt var um íslenska karlalandsliðið.

Ragnar, sem er 36 ára, lék 97 A-landsleiki fyrir Ísland og var í lykilhlutverki hjá liðinu sem fór á tvö stórmót, EM 2016 í Frakklandi og HM 2018 í Rússlandi.

„Ég held að Åge Hareide hafi verið besti kosturinn í stöðunni,“ sagði Ragnar en Hareide var ráðinn landsliðsþjálfari Íslands í síðasta mánuði.

„Ég var spenntur fyrir Arnari Gunnlaugs líka og hef fulla trú á honum en þá komum við aftur að því að hann er Íslendingur og það breytir aðeins jafnvæginu í leikmannahópnum,“ sagði Ragnar meðal annars.

Umræðan um íslenska landsliðið hefst á 11:00 mínútu en hægt er að hlusta á umræðuna í heild sinni í spil­ar­an­um hér fyr­ir ofan. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Góðvinur Arnars varaði hann við eftir komu Gylfa

• Ósammála landsliðsþjálfaranum um Gylfa Þór
• „Ert ekki að velta því fyrir þér þegar þú færð sparkið“
• „Menn láta misgáfulega hluti út úr sér“
• „Það er ekkert vont í samanburði við það að fæða barn“

» Fleiri tengdar fréttir

• Blogga um frétt