Þetta mallar

„Til­finn­ing­in er gríðarlega sæt,“ sagði miðjumaður Breiðabliks, Vikt­or Karl Ein­ars­son, í sam­tali við mbl.is eft­ir 3:1-sig­ur liðsins á FH í 8-liða úr­slit­um bik­ar­keppn­inn­ar í fót­bolta í kvöld.

Frétt af mbl.is

Breiðablik í undanúr­slit á drama­tísk­an hátt

„Það er alltaf gam­an að fara áfram í bik­ar, sér­stak­lega þegar maður þarf að hafa fyr­ir hlut­un­um. Þeir komust yfir og við þurft­um að sýna þol­in­mæði, gerðum það vel og á end­an­um sigld­um við þessu,“ sagði Vikt­or um til­finn­ing­una beint eft­ir leik.

Breiðablik hef­ur sýnt aðra eig­in­leika á þessu tíma­bili held­ur en síðasta. Það virðist vera meiri harka í liðinu og það er að ná að sigra leiki oft á tæp­asta vaði, án þess að keyra al­veg yfir lið eins og í fyrra. Vikt­or seg­ir það vera mik­ill styrk­ur að ná að klára leiki svona seint og að frammistaðan verði ein­ung­is betri.  

„Klár­lega, það er að mínu mati sterkt að sýna að við get­um líka unnið leiki svona, á seigl­unni. Við erum að vinna leiki núna seint, eins og þenn­an og höf­um líka verið að skora seint í leikj­um. Það sýn­ir bara karakt­er og þol­in­mæði. Það þarf ekki alltaf að vinna leiki 4:0, við get­um líka unnið svona bar­átt­u­sigra. 

Við verðum betri því fleiri leiki sem við spil­um og við erum ekki bún­ir að tapa í nokkr­um leikj­um í röð sem er gott og gef­ur liðinu sjálfs­traust. Þetta mall­ar sem er ánægju­legt. 

Eins og staðan er núna erum við held ég í þriðja sæti og erum bara að elta Vík­inga og Vals­menn. Mótið hef­ur farið vel af stað og það er mik­il spenna í þessu. Heilt yfir er ég mjög ánægður með það hingað til.“

Næsti leik­ur Breiðabliks er ein­mitt aft­ur gegn FH, nú í deild og í Kaplakrika. Vikt­or býst við tölu­vert öðru­vísi leik þar.  

„Ég held að það verði tölu­vert tölu­vert öðru­vísi leik­ur vegna þess að við erum að fara í Kaplakrik­ann og á gras. Það er alltaf ann­ar leik­ur, sér­stak­lega núna miðað við hvernig vall­araðstæður eru. Ég held að það verði meiri harka og bar­átta sem verður bara gam­an að taka þátt í,“ sagði Vikt­or Karl að lok­um. 

• Blogga um frétt