Mér leið ömurlega í þessum leik
Setja bókamerki
Viktor Örn Margeirsson, leikmaður Breiðabliks, var ekki sáttur við 2:2-jafntefli liðsins gegn FH í Bestu deild karla í fótbolta í dag. Breiðablik komst í 2:0, en FH tókst að jafna. Fyrra markið kom eftir mistök hjá Stefáni Inga Sigurðarsyni, sem skoraði fyrsta mark leiksins.
„Við gefum þeim smá líf þegar við hittum ekki boltann, en það er eitthvað sem getur gerst. Við vorum góðir fyrstu 25 mínúturnar en svo vantaði einhvern eld og kraft í okkur. Við vorum ekki líkir sjálfum okkur,“ sagði Viktor við mbl.is eftir leik.
Átta gul spjöld litu dagsins ljós, en það fyrsta kom ekki fyrr en eftir rúmlega klukkutímaleik. Eftir það fór spjaldið ótt og títt á loft. „Þetta var erfiður leikur og völlurinn var þungur, fyrir bæði lið. Menn eru kappsamir og takast á en það er ekkert illt í þessu. Það var smá hiti en ekkert persónulegt,“ sagði Viktor.
Hann var ekki sáttur við eigin frammistöðu, né frammistöðu liðsins.
„Mér leið ömurlega í þessum leik og var ekki að finna mig. Frammistaðan var eftir því. Það var margt skemmtilegt í þessum leik samt sem áður og örugglega fínn leikur fyrir augað. Ég er samt alls ekki sáttur strax eftir leik. Það er hægt að grafa upp allar heimsins afsakanir en maður lítur ekki vel út með þær. Ég átti að gera betur og við áttum að gera betur. Við vorum of oft eftir á,“ sagði hann
Umræðan var óþægileg fyrir Þórð og flokkinn allan
/frimg/1/52/93/1529389.jpg)
„Mér finnst þetta auðvitað ömurleg staða“
„Það er sárt að svona fór“
Viðreisn krefst aðildarviðræðna við ESB
Fór 1.628 km í þágu sjálfsvígsforvarna
Viðreisn gæti valið stjórn