Ein úrskurðuð í leikbann

Einungis einn leikmaður í efstu deildum karla og kvenna var úrskurðaður í leikbann þegar aga- og úrskurðarnefnd KSÍ kom saman á fundi í dag.

Sá leikmaður var úrskurðaður í eins leiks bann vegna brottvísunar í átta liða úrslitum bikarkeppni kvenna í knattspyrnu.

Þar er um að ræða Shainu Ashouri, sóknarmann FH, sem fékk tvö gul spjöld og þar með rautt í 3:1-sigri Hafnarfjarðarliðsins á ÍBV í Vestmannaeyjum í fjórðungsúrslitum bikarsins í síðustu viku.

Ashouri tekur því út leikbann þegar FH fær Víking úr Reykjavík í heimsókn á Kaplakrikavöll í undanúrslitum bikarkeppninnar í lok mánaðarins.

• Blogga um frétt