Ronaldo: Takk Ísland

„Ég er einstaklega glaður í dag,“ sagði knattspyrnumaðurinn og Portúgalinn Cristiano Ronaldo í samtali við UEFA eftir 1:0-sigur Portúgals gegn Íslandi í J-riðli undankeppni EM 2024 á Laugardalsvelli í gær.

Frétt af mbl.is

Ronaldo kramdi íslensk hjörtu

Ronaldo lék sinn 200. A-landsleik gegn Íslandi, sem er heimsmet, og var hann heiðraður fyrir leik á Laugardalsvelli í tilefni áfangans. 

Ronaldo skoraði svo sigurmark leiksins á 89. mínútu og það var því létt yfir Portúgalanum þegar hann mætti í viðtöl við fjölmiðlamenn eftir leik.

Magnað afrek

„Að spila 200 A-landsleiki er magnað afrek og það er frábært að vera kominn í heimsmetabók Guinness líka,“ sagði Ronaldo kátur.

„Að skora sigurmarkið gerði þetta enn þá sérstakara og ég verð að þakka stuðningsmönnunum á vellinum og takk Ísland fyrir að heiðra mig sérstaklega.

Ég er þakklátur liðsfélögum mínum og portúgalska knattspyrnusambandinu fyrir allt sem það hefur gert fyrir mig,“ bætti Ronaldo við.

• Blogga um frétt