Feðgarnir ræddu saman eftir leik (myndir)

Orri Steinn Óskarsson kom inn á sem varamaður í seinni hálfleik fyrir FC Kaupmannahöfn er liðið vann 2:0-útisigur á Breiðabliki í 2. umferð Meistaradeildar Evrópu í fótbolta í kvöld.

Óskar Hrafn Þorvaldsson, faðir Orra, er þjálfari Breiðabliks og þeir ræddu saman á grasinu á Kópavogsvelli eftir leik.

Hákon Pálsson, ljósmyndari mbl.is, smellti þessum myndum af Orra ganga til föður síns og ræða við hann.