„Liðið lítur mjög vel út eins og það er núna,“ sagði Jóhann Ingi Hafþórsson, íþróttablaðamaður mbl.is og Morgunblaðsins, í Fyrsta sætinu, íþróttahlaðvarpi miðilsins, þegar rætt var um karlalið Vals í fótbolta.

„Þeir töpuðu fyrir Stjörnunni um daginn en frammistaðan þar var ekki alslæm. Patrick Pedersen hefði getað skorað fjögur mörk á öðrum degi.

Fyrir utan þann leik hafa þeir verið á mjög góðu róli. Það væri frekja að biðja um meira í þennan leikmannahóp,“ bætti hann við.

Þáttastjórnandinn Aron Elvar Finnsson greip þá inn í og spurði hvort Jóhann myndi samþykkja að fá Gylfa Þór Sigurðsson inn í leikmannahópinn, en hann æfði með Val á dögunum. „Það eru undantekningar á öllum reglum,“ svaraði Jóhann þá.

Umræðan um Bestu deild karla í knattspyrnu hefst á 1. mínútu en hægt er að hlusta á umræðuna í heild sinni í spil­ar­an­um hér fyr­ir ofan. Þátt­ur­inn er einnig aðgengi­leg­ur á öll­um helstu hlaðvarps­veit­um.

Tengdar fréttir

Fyrsta sætið

Góðvinur Arnars varaði hann við eftir komu Gylfa

• Ósammála landsliðsþjálfaranum um Gylfa Þór
• „Ert ekki að velta því fyrir þér þegar þú færð sparkið“
• „Menn láta misgáfulega hluti út úr sér“
• „Það er ekkert vont í samanburði við það að fæða barn“

» Fleiri tengdar fréttir

• Blogga um frétt