Skýrslan komin hjá Breiðabliki
Setja bókamerki
Leikmannaskýrsla Breiðabliks fyrir leik liðsins gegn Víkingi úr Reykjavík í Bestu deild karla í knattspyrnu kom afar seint en talið er að Blikar séu að mótmæla ákvörðun KSÍ um að fresta ekki leiknum.
Byrjunarlið Breiðabliks var ekki mætt á vef KSÍ klukkutíma fyrir leik eins og vaninn er en hálftíma síðar var Blikaliðið komið á skýrslu. Töldu margir að Blikar myndu ekki mæta í Víkina og gefa leikinn frá sér en svo er víst ekki.
Breiðablik fór þess á leit við KSÍ í síðustu viku að fresta leiknum til þess að minnka álag Kópavogsliðsins sem lék erfiðan leik við Struga í Norður-Makedóníu í undankeppni Sambandsdeildar UEFA á fimmtudag og fær liðið í heimsókn á Laugardalsvöll næstkomandi fimmtudag.
Beiðni Breiðabliks var hafnað og lagði knattspyrnudeild félagsins fram aðra beiðni í gær en samkvæmt Fótbolta.net var henni sömuleiðis hafnað.
„Tímabil aukinnar eldvirkni“
Ók á hóp fólks á jólamarkaði: Einn látinn
Lát hjóna í Neskaupstað: Ákæra gefin út
Samfylking og Viðreisn gáfu loforð
Spretthópur fjallar um gufubaðsreglur
Nágrannaþjóðir upplýstar en við vöðum í blindni
„Börn heima sem maður myndi vilja hafa í skjóli“
Funda með þingflokkum