Ísland byrjar Þjóðadeildina á sigri

Fyrirliðinn Glódís Perla Viggósdóttir var hetja Íslands í sigri á Wales, 1:0, í í fyrsta leik liðanna í 3. riðli A-deild­ar­inn­ar í Þjóðadeild­ar kvenna í fót­bolta á Laug­ar­dals­velli í kvöld. 

Velska liðið byrjaði betur og var mest megnis með boltann fyrsta korterið. Íslenska liðið tók síðan við sér og á 16. mínútu fékk Sandra María Jessen dauðafæri eftir sendingu frá Hlín Eiríksdóttur en hún skaut boltanum í Rhiannon Roberts varnarmann Wales se bjargaði á línu. 

Tveimur mínútum síðar eða á 18. mínútu kom Glódís Perla Íslandi yfir er hún stangaði fasta fyrirgjöf Amöndu Andradóttur í netið, 1:0, og fyrsta mark Íslands í Þjóðadeildinni komið. 

Fátt var um fína drætti sem eftir lifði fyrri hálfleiksins og fór íslenska liðið marki yfir til búningsklefa. 

Íslenska liðið átti ágætis syrpur í síðari hálfleiknum og varðist sóknum Wales vel. Guðný Árnadóttir kom sterk af bekknum og átti skotfæri á 64. mínútu sem Olivia Clark í marki Wales varði. 

Walesverjar fengu svo dauðafæri á 83. mínútu þegar að Ceri Holland fékk upplagt skotfæri inn í miðjum teignum en Glódís komst fyrir boltann og bjargaði í horn.  

Sterkur sigur hjá íslenska liðinu sem er í öðru sæti riðilsins með þrjú stig, jafnmörg og Danmörk sem vann Þjóðverja 2:0 áðan. 

Ísland mætir næst Þýskalandi ytra á þriðjudaginn kemur. 

Ísland	1:0	Wales	Opna lýsingu Loka
90. mín. Wales fær hornspyrnu
Augnablik — sæki gögn...

• Blogga um frétt