Sýnum auðvitað Íslandsmeisturunum virðingu

„Þetta var geggjaður leik­ur af okk­ar hálfu. Mér fannst við stjórna hon­um frá A-Ö. Leikplanið okk­ar gekk full­kom­lega upp,” sagði Vikt­or Karl Ein­ars­son, leikmaður Breiðabliks, spurður hvað hon­um hafi fund­ist um spila­mennsku Breiðabliks í 3:1 sigri á nýkrýnd­um Íslands­meist­ur­um Vík­ings í kvöld.

Það er töl­fræðileg­ur séns að taka annað sætið. Er það raun­hæf­ur mögu­leiki fyr­ir Breiðablik?

„Það er brekka að saxa á 8 stiga for­skot þegar það eru 9 stig í pott­in­um en við tök­um bara einn leik í einu og stefn­um á að vinna næsta leik og sjá­um svo hvað ger­ist,“ sagði Vikt­or við mbl.is.

Var mark­miðið að minnka sig­ur­vímu Vík­inga með því að vinna hér í kvöld?

„Vík­ing­ar eru verðugir Íslands­meist­ar­ar en við ætluðum bara að sækja þrjú stig í kvöld og það tókst. Við erum í okk­ar bar­áttu og þurf­um að vinna að okk­ar mark­miðum með sigri.”

Kom til greina að standa ekki heiðursvörð fyr­ir Vík­inga í kvöld?

„Nei alls ekki ég held að það hafi aldrei hvarflað að mönn­um. Þeir stóðu heiðursvörð fyr­ir okk­ur í fyrra og við auðvitað sýn­um Íslands­meist­ur­um virðingu og stönd­um heiðursvörð fyr­ir þá. Annað kom aldrei til greina,“ sagði Vikt­or Karl í sam­tali við mbl.is

Leik­menn Breiðabliks standa heiðursvörð fyr­ir Vík­inga. mbl.is/​Krist­inn Magnús­son

• Blogga um frétt