Pedersen tryggði Valsmönnum annað sætið

Val­ur tryggði sér annað sætið í Bestu deild karla í knatt­spyrnu í kvöld með sigri á Breiðabliki á Origo-vell­in­um á Hlíðar­enda, 4:2. Leik­ur­inn var frá­bær skemmt­un og var greini­legt að bæði lið vildu sækja sig­ur.

Með sigr­in­um gull­tryggði Val­ur annað sæti deild­ar­inn­ar en liðið er með 52 stig, 11 stig­um meira en Breiðablik þegar tvær um­ferðir eru eft­ir. Breiðablik er nú einu stigi á und­an Stjörn­unni sem er í fjórða sæti og fjór­um stig­um á und­an FH sem er í því fimmta.

Vals­menn byrjuðu leik­inn bet­ur og voru meira með bolt­ann. Pat­rick Peder­sen fékk fínt færi við víta­teigs­línu eft­ir horn­spyrnu en skot hans fór rétt fram­hjá mark­inu. Hjá Breiðabliki fékk Gísli Eyj­ólfs­son besta færið fram­an af leik en hann hitti ekki markið úr teign­um eft­ir góðan und­ir­bún­ing Krist­ins Stein­dórs­son­ar.

Fyrsta mark leiks­ins kom á 21. mín­útu og var það væg­ast sagt skraut­legt. Fyr­ir­gjöf Arons Jó­hanns­son­ar frá endalínu fór þá af bak­inu á Hösk­uldi Gunn­laugs­syni og upp í loft í átt að marki. Ant­on Ari Ein­ars­son, markvörður Breiðabliks, virt­ist hafa all­an tím­ann í heim­in­um til að grípa bolt­ann eða slá hann yfir markið en missti bolt­ann klaufa­lega inn fyr­ir lín­una. 

Eft­ir markið settu Blikar þó í næsta gír og fóru að spila bet­ur. Hægt og ró­lega tóku þeir öll völd á vell­in­um og upp­skáru jöfn­un­ar­mark á 40. mín­útu. Ant­on Logi Lúðvíks­son smellti bolt­an­um þá glæsi­lega á lofti ut­ar­lega úr teign­um eft­ir að Sveinn Sig­urður Jó­hann­es­son hafði varið frá­bær­lega frá Kristó­feri Inga Krist­ins­syni.

Vals­menn voru þó ekki lengi að svara fyr­ir sig. Sveinn Sig­urður spyrnti bolt­an­um langt fram völl­inn á Pat­rick Peder­sen sem var skyndi­lega slopp­inn einn í gegn. Peder­sen lék bolt­an­um í átt að marki áður en hann kláraði vel fram­hjá Ant­oni Ara rétt utan teigs. 

Staðan í leik­hléi var því 2:1, heima­mönn­um í vil, í nokkuð jöfn­um og fjör­ug­um leik.

Á 55. mín­útu fékk Breiðablik svo sann­kallað dauðafæri til að jafna met­in. Kristó­fer Ingi skallaði fyr­ir­gjöf Hösk­uld­ar þvert fyr­ir markið þar sem Vikt­or Örn Mar­geirs­son var al­einn og óvaldaður við markteigs­lín­una en skallaði bolt­ann í þverslánna. Ótrú­legt að þessi öfl­ugi skallamaður skyldi ekki skora þarna.

Blik­um tókst þó að jafna á 63. mín­útu en Vikt­or Karl Ein­ars­son átti þá frá­bæra fyr­ir­gjöf inn á miðjan teig­inn eft­ir horn­spyrnu sem Kristó­fer Ingi stangaði í netið. Frá­bær­lega klárað hjá Kristó­feri sem gerði allt rétt, skallaði bolt­ann í gervi­grasið og fram­hjá Sveini.

Eft­ir jöfn­un­ar­markið var leik­ur­inn í járn­um og bæði lið fengu ágæt­is sénsa til að kom­ast yfir. Það voru svo heima­menn sem komust enn eina ferðina yfir og aft­ur var það Pat­rick Peder­sen. Sig­urður Eg­ill Lárus­son átti þá glæsi­lega fyr­ir­gjöf eft­ir virki­lega flotta sókn Vals og eft­ir að Ant­on Ari Ein­ars­son hafði varið skalla vara­manns­ins Adams Ægis Páls­son­ar setti Pat­rick Peder­sen bolt­ann í netið af stuttu færi.

Val­ur fékk svo gullið tæki­færi til að ganga frá leikn­um á 85. mín­útu þegar Ant­on Logi felldi vara­mann­inn Lúkas Loga Heim­is­son í teign­um. Er­lend­ur Ei­ríks­son var lengi að benda á punkt­inn en dæmdi að lok­um, sem var hár­rétt ákvörðun. Á punkt­inn steig Pat­rick Peder­sen en Ant­on Ari kom í veg fyr­ir það að Dan­inn full­komnaði þrennu sína með því að verja slaka víta­spyrnu hans.

Peder­sen þurfti þó ekki að bíða lengi eft­ir að ná ða klára þrenn­una. Eft­ir frá­bæra sókn Vals fékk Lúkas Logi bolt­ann við endalín­una hægra meg­in og lagði bolt­ann inn á markteig­inn þar sem Peder­sen kláraði af stuttu færi.

M-ein­kunna­gjöf­in og ein­kunn dóm­ara verða í Morg­un­blaðinu í fyrra­málið.

Val­ur	4:2	Breiðablik	Opna lýs­ingu Loka
90. mín. Val­ur fær horn­spyrnu
Gary Martin (10. mín.) Gary Martin (12. mín.) Mörk Igor Taskovic (40. mín.) Vladimir Tufegdzic (70. mín.) Spjöld mín. 90 Leik lokið Sanngjarn sigur heimamanna í Víkinni í kvöld. 90 Víkingur Ó. fær hornspyrnu 87 Óttar Ásbjörnsson (Víkingur Ó.) kemur inn á 87 Emir Dokara (Víkingur Ó.) fer af velli 85 Gary Martin (Víkingur R.) á skot sem er varið Sólaði varnarmenn áður en hann skaut frá vítapunkti en Martinez varði. Martin vill væntanlega ná þrennunni í kvöld. 83 Gary Martin (Víkingur R.) á skot framhjá Fékk boltann við vítateigslínu, stillti sér upp en þrumaði hátt yfir markið. 79 Gary Martin (Víkingur R.) á skot sem er varið Ágætt skot með vinstri fæti utan teigs en Martinez er vandanum vaxinn í markinu. 77 Pape Mamadou Faye (Víkingur Ó.) kemur inn á 77 William Domingues (Víkingur Ó.) fer af velli 77 Bjarni Páll Runólfsson (Víkingur R.) kemur inn á 77 Dofri Snorrason (Víkingur R.) fer af velli 75 Ívar Örn Jónsson (Víkingur R.) á skot framhjá Þrumuskot utarlega úr teignum í kjölfarið á hornspyrnu. Boltinn fór rétt framhjá markinu. 75 Víkingur R. fær hornspyrnu 70 Vladimir Tufegdzic (Víkingur R.) fær gult spjald Brýtur á Tokic og fær gult spjald. 70 Víkingur R. fær hornspyrnu 69 Óttar Magnús Karlsson (Víkingur R.) kemur inn á 69 Viktor Jónsson (Víkingur R.) fer af velli 69 Gary Martin (Víkingur R.) á skot sem er varið Fékk boltann á vinstri vængnum, æddi í átt að marki og skaut en Martinez varði í horn. 67 Björn kemur á miðja miðjuna, við hliðina á Agli Jónssyni. William Dominguez færir sig á vinstri kantinn og Þórhallur á þann hægri. 66 Björn Pálsson (Víkingur Ó.) kemur inn á 66 Alfreð Már Hjaltalín (Víkingur Ó.) fer af velli 65 Við þessa breytingu hjá heimamönnum fer Dofri í hægri bakvörðinn, Halldór Smári í miðja vörnina og Taskovic á miðjuna. 64 Hrvoje Tokic (Víkingur Ó.) á skot framhjá Fékk boltann utan teigs, tók hann á lofti og þrumaði rétt framhjá markinu. 63 Halldór Smári Sigurðsson (Víkingur R.) kemur inn á 63 Davíð Örn Atlason (Víkingur R.) fer af velli 60 Pontus Nordenberg, vinstri bakvörður gestanna, virðist hafa fengið högg á andlitið og sjúkraþjálfari athugaði stöðuna á honum. Svíinn harkar af sér og heldur leik áfram. 56 Ívar Örn Jónsson (Víkingur R.) á skot framhjá Vann boltann af Alfreð rétt utan vítateigs og skaut að marki en boltinn fór rétt framhjá. 55 Víkingur R. fær hornspyrnu 51 Þórhallur Kári Knútsson (Víkingur Ó.) á skot sem er varið Fylgdi eftir skotinu frá Þorsteini en Róbert varði aftur. 51 Þorsteinn Már Ragnarsson (Víkingur Ó.) á skot sem er varið Komst einn gegn markverði eftir góðan samleik hans og Tokic en Róbert varði vel. 48 Víkingur R. fær hornspyrnu 47 Víkingur R. fær hornspyrnu 46 Úff! Gestirnir vilja fá vítaspyrnu eftir nokkrar sekúndur í seinni hálfleik. Taskovic virtist tækla Þórhall Kára inni í vítateig en Ívar dæmdi ekkert. 46 Seinni hálfleikur hafinn Heimamenn byrja með boltann í síðari hálfleik og sækja nú í átt að Víkingsheimilinu. 45 Hálfleikur Heimamenn eru með tveggja marka forskot að loknum fyrri hálfleik. Verðskulduð staða. 43 Vladimir Tufegdzic (Víkingur R.) á skot framhjá Fékk sendingu inn fyrir vörn Ólsara, virtist vera búinn að missa boltann en náði honum aftur og skaut framhjá úr ágætu færi. 40 Igor Taskovic (Víkingur R.) fær gult spjald Brýtur á Dominguez og fær gult spjald. Ólsarar voru með boltann í góðri sókn og voru pirraðir út í Ívar dómara fyrir að stöðva sóknina. 36 Róbert lá á vellinum eftir að hann kýldi boltann frá en eftir smá aðstoð sjúkraþjálfara er hann staðinn á fætur. 35 William Domingues (Víkingur Ó.) á skot framhjá Eftir fyrirgjöf frá hægri kýldi Róbert boltann frá. Dominguez fékk boltann utan vítateigs og reyndi skot en boltinn fór yfir markið. 28 Víkingur Ó. fær hornspyrnu 28 Hrvoje Tokic (Víkingur Ó.) á skot sem er varið Frábær tilraun! Eftir langt innkast barst boltinn á Tokic og hann reyndi hjólhestaspyrnu en Róbert í marki heimamanna varði í horn. 27 Leikurinn hefur róast talsvert eftir fjörkippinn sem heimamenn tóku hérna áðan. Gestirnir reyna að sækja en komast lítt áleiðis og virka hálf pirraðir. 19 Víkingur R. fær hornspyrnu 19 Gary Martin (Víkingur R.) á skot framhjá Gary komst í gott færi vinstra megin í teignum en hitti boltann illa. Varnarmaður gestanna komst í boltann og heimamenn fá því hornspyrnu. 17 Frábær byrjun heimamanna og gestirnir virðast hálf slegnir eftir mörkin tvö og skal engan undra. 12 MARK! Gary Martin (Víkingur R.) skorar 2:0 - Það er kviknað á Gary Martin! Viktor Jónsson reyndi að flikka boltanum inn á Arnþór Inga en varnarmaður gestanna komst í boltann. Það vildi þó ekki betur en svo til fyrir gestina að boltinn datt fyrir Martin, sem skoraði af öryggi með skoti úr miðjum vítateignum. 10 MARK! Gary Martin (Víkingur R.) skorar úr víti 1:0 - Gríðarlega öruggt víti hjá Martin. Smellti boltanum upp í samskeytin hægra megin en Martinez skutlaði sér í vitlaust horn. 10 Víkingur R. fær víti Eftir klafs í teignum í kjölfarið á hornspyrnu var brotið sparkað í Arnþór Inga og Ívar Orri, dómari leiksins, dæmir vítaspyrnu. 9 Víkingur R. fær hornspyrnu 6 Dofri Snorrason (Víkingur R.) á skot framhjá Viktor skallaði boltann á Dofra og lúmskt skot hans með vinstri fæti frá vítateigslínu fór rétt farmhjá marki gestanna. Leikurinn fer fjörlega af stað. 4 William Domingues (Víkingur Ó.) á skot sem er varið Eftir langt innkast frá hægri datt boltinn fyrir Dominguez en skot hans fór beint á Róbert í marki heimamanna. 2 William Domingues (Víkingur Ó.) á skot framhjá Skot úr aukaspyrnu af um það bil 25 metra færi. 1 Leikur hafinn Gestirnir hefja leik. 0 Fjórar breytingar eru á byrjunarliði heimamanna frá 2:1-tapinu gegn Fjölni í síðustu umferð. Halldór Smári, Viktor Bjarki Martin Svensson og Óttar Magnús víkja. Í stað þeirra koma Alex Freyr, Viktor Jónss., Arnþór Ingi og Davíð Örn í liðið. 0 Gísli Eyjólfsson var í byrjunarliði Ólsara í síðasta leik en hefur leikið síðasta leik sinn með þeim í sumar. Hann var í láni frá Breiðablik en hefur nú verið kallaður heim til Kópavogs. Pape Mamadoue Faye fær sér sæti á bekknum frá síðasta leik. Í stað þeirra kom William Dominguez og Þórhallur Kári Knútsson í byrjunarliðið. 0 Leikmenn liðanna voru að skokka út á völl og eru byrjaðir að hita upp á blautu grasinu. Það hefur rignt talsvert í höfuðborginni í dag og því megum við búast við skemmtilegum leik. 0 Líðin léku bæði síðast í deildinni fyrir tæpum þremur vikum, 5. júní. Ólsarar sigruðu þá Fylkir, 1:0, en Reykjavíkingar töpuðu 2:1 fyrir Fjölni. 0 Gestirnir frá Ólafsvík eru í 5. sæti deildarinnar með 14 stig en heimamenn eru með átta stig í 9. sæti. 0 Blessuð og sæl. Velkomin með mbl.is í beina textalýsingu frá viðureign Víkings Reykjavíkur og Víkings Ólafsvíkur í Pepsi-deild karla í knattspyrnu. Leikurinn fer fram á Víkingsvelli. Sjá meira Sjá allt Víkingur R.: (4-4-2) Mark: Róbert Örn Óskarsson. Vörn: Davíð Örn Atlason (Halldór Smári Sigurðsson 63), Igor Taskovic, Alan Lowing, Ívar Örn Jónsson. Miðja: Vladimir Tufegdzic, Dofri Snorrason (Bjarni Páll Runólfsson 77), Arnþór Ingi Kristinsson, Alex Freyr Hilmarsson. Sókn: Gary Martin, Viktor Jónsson (Óttar Magnús Karlsson 69). Varamenn: Kristófer Karl Jensson (M), Halldór Smári Sigurðsson, Bjarni Páll Runólfsson, Martin Svensson, Erlingur Agnarsson, Stefán Þór Pálsson, Óttar Magnús Karlsson. Víkingur Ó.: (4-3-3) Mark: Cristian Martinez. Vörn: Emir Dokara (Óttar Ásbjörnsson 87), Aleix Egea, Tomasz Luba, Pontus Nordenberg. Miðja: Egill Jónsson, William Domingues (Pape Mamadou Faye 77), Þorsteinn Már Ragnarsson. Sókn: Alfreð Már Hjaltalín (Björn Pálsson 66), Hrvoje Tokic, Þórhallur Kári Knútsson. Varamenn: Einar Hjörleifsson (M), Björn Pálsson, Óttar Ásbjörnsson, Kristinn M. Pétursson, Pape Mamadou Faye, Leó Örn Þrastarson, Vignir Snær Stefánsson. Skot: Víkingur R. 11 (5) - Víkingur Ó. 7 (4) Horn: Víkingur Ó. 2 - Víkingur R. 7. Lýsandi: Jóhann Ólafsson Völlur: Víkingsvöllur Áhorfendafjöldi: 524 Leikur hefst 24. júní 2016 19:15 Aðstæður: 10 gráðu hiti og skúrir. Völlurinn grænn og fallegur. Dómari: Ívar Orri Kristjánsson Aðstoðardómarar: Gylfi Már Sigurðsson og Óli Njáll Ingólfsson

• Blogga um frétt