Gamla ljósmyndin: Fögnuður Víkinga
Setja bókamerki
/frimg/1/53/7/1530753.jpg)
Íþróttadeild Morgunblaðsins og mbl.is heldur áfram að gramsa í myndasafni Morgunblaðsins og birta á mbl.is á laugardögum.
/frimg/1/31/60/1316058.jpg)
Víkingur varð á dögunum Íslandsmeistari karla í knattspyrnu í sjöunda sinn eða nokkru áður en mótinu lýkur.
Fram til ársins 1981 hafði liðið einungis tvívegis unnið Íslandsmótið og hafði það ekki gerst síðan 1924.
Víkingur sigraði þá tvö ár í röð 1981 og 1982. Meðfylgjandi mynd er tekin í búningsklefa Víkings þegar liðsmenn og stuðningsmenn fögnuðu Íslandsmeistaratitlinum haustið 1982 undir stjórn Youri Sedov.
Frá vinstri: Magnús Þorvaldsson sem varð leikjahæstur Víkinga í efstu deild, Ragnar Gíslason, Jón Otti Jónsson varamarkvörður, Þórður Marelsson (faðir Halldórs Jóns Sigurðar Þórðarsonar leikmanns ÍBV), Jóhann Þorvarðarson, Ögmundur Kristinsson markvörður og Jóhannes Bárðarson. Í baksýn virðist vera Gylfi Rútsson sem kom inn í liðið tveimur árum síðar.
Fögnuð Víkinga haustið 1982 fangaði Kristján Örn Einarsson sem myndaði fyrir Morgunblaðið á fyrri hluta níunda áratugarins.
Á þessum tíma var umgjörðin í kringum Íslandsmótin í boltaíþróttum ekki jafn stíf og hún er í dag og því gátu ljósmyndarar myndað gleðina í búningsherbergjum.
Á myndinni má sjá ýmsa unga stuðningsmenn Víkings sem tóku þátt í fögnuðinum og mbl.is lætur öðrum eftir að bera kennsl á ungmennin.
Hótar Bretum og Bandaríkjamönnum
Hentugt gos fyrst gýs á annað borð
Reiðubúin að aflýsa verkföllum í fjórum leikskólum
Viðræður ekkert þokast frá því á þriðjudag
Drónamyndskeið frá hápunkti gossins í nótt
Sjötti ferðamaðurinn er látinn