Rúnar nýr þjálfari Framara

Rúnar Kristinsson hefur verið ráðinn þjálfari karlaliðs Fram í knattspyrnu. Skrifaði hann undir þriggja ára samning, sem gildir út tímabilið 2026.

Þetta tilkynnti félagið á blaðamannafundi í íþróttamiðstöðinni í Úlfarsárdal núna rétt í þessu.

Frétt af mbl.is

Rúnar skrifar undir á morgun

Rúnar, sem er 54 ára gamall, tekur við liðinu af Ragnari Sigurðssyni sem stýrði Frömurum út síðasta keppnistímabil eftir að Jón Sveinsson var rekinn undir lok júlí.

Sigursæll hjá KR

Rúnar lét af störfum sem þjálfari KR eftir tímabilið eftir að hafa stýrt liðinu samfleytt frá árinu 2017 og gerði hann liðið að Íslandsmeisturum árið 2019.

Hann hef­ur einnig stýrt Lilleström í Nor­egi og Lok­eren í Belg­íu á þjálf­ara­ferl­in­um en hann stýrði KR einnig á ár­un­um 2010 til 2014 og gerði liðið þá tví­veg­is að Íslands­meist­ur­um og þríveg­is að bikar­meist­ur­um.

Rún­ar á að baki 104 A-lands­leiki og er næst­leikja­hæsti landsliðsmaður Íslands frá upp­hafi á eft­ir Birki Bjarna­syni. 

• Blogga um frétt