„Spurningin er bara hvort hún eigi ekki að gera það á Akureyri,“ sagði Víðir Sigurðsson, fréttastjóri íþróttadeildar mbl.is og Morgunblaðsins, í uppgjörsþætti Dagmála fyrir Bestu deild kvenna í knattspyrnu.
Sandra María Jessen, fyrirliði Þórs/KA, hefur verið orðuð við brottför frá félaginu að undanförnu en hún er algjör lykilmaður í liði Akureyringa.
„Það skiptir öllu máli fyrir þá, upp á framhaldið að gera, að halda Söndru Maríu,“ sagði Víðir.
„Ætli Þór/KA sér að gera eitthvað þá þurfa þeir að halda henni og ég vona að þeir geri það fyrir þeirra hönd,“ sagði Víðir meðal annars.