Helgi snýr aftur til Fram

Helgi Sigurðsson hefur verið ráðinn aðstoðarþjálfari karlaliðs Fram í knattspyrnu í Bestu deild. Þetta til­kynnti fé­lagið á sam­fé­lags­miðlum sín­um í dag.

Helgi þjálfaði síðast Grindavík í 1. deild en lét af störfum um mitt tímabil. Hann hefur einnig stýrt ÍBV og stýrði Fylki frá 2017 til 2019 og kom liðinu upp í efstu deild.

Helgi spilaði 61 deildarleik með Fram á sínum ferli og skoraði í þeim 37 mörk. Fyrst lék hann með liðinu á árunum 1993-1997, aftur árið 2006, og árið 2013 var hann svo spilandi aðstoðarþjálfari liðsins.

Hann á að baki 62 A-lands­leiki fyr­ir Ísland þar sem hann skoraði tíu mörk. Hann mun aðstoða Rúnar Kristinsson, gamla liðsfélaga sinn í landsliðinu, sem var nýlega ráðinn sem þjálfari Fram.

Rúnar Kristinsson og Helgi Sigurðsson í leik með íslenska landsliðinu gagn Færeyjum árið 2003, sem Ísland vann 2:1. mbl.is/Kristinn Ingvarsson

• Blogga um frétt