Tekur stóra ákvörðun á næstu dögum

Sandra María Jessen, landsliðskona Íslands í knattspyrnu, ætlar að taka ákvörðun um næstu skref á ferlinum á allra næstu dögum.

Þetta tilkynnti hún í samtali við fótbolta.net en Sandra María, sem er 28 ára gömul, er samningslaus þessa dagana.

Frétt af mbl.is

Með samningstilboð frá Íslandsmeisturunum

Hún er með samningstilboð frá Íslandsmeisturum Vals og þá hafa fleiri lið hér á landi boðið henni samning en hún útilokar þó að spila erlendis á næstu leiktíð.

Var allt í boði

„Það var allt í boði en eins og staðan er núna er best fyrir fjölskylduna mína að vera á Íslandi,“ sagði Sandra María í samtali við fótbolta.net í Cardiff þar sem landsliðið undirbýr sig nú fyrir mikilvægan leik gegn Wales í 3. riðli Þjóðadeildar kvenna.

„Við munum því enda á Íslandi eins og staðan er núna en það er ennþá opið hvort það verði á höfuðborgarsvæðinu eða fyrir norðan. Það er ekki hægt að segja neitt eins mikið og mig langar til þess.

Ég er sjálf ekki búin að taka ákvörðun en það kemur á næstu dögum og sennilega á meðan landsliðsverkefninu stendur,“ bætti Sandra María við í samtali við fótbolta.net.

• Blogga um frétt