18 ára leikur sinn fyrsta A-landsleik

Fanney Inga Birkisdóttir verður í markinu hjá íslenska kvennalandsliðinu í knattspyrnu þegar það mætir Danmörku í 3. riðli Þjóðadeildar UEFA í Viborg í Danmörku á morgun.

Þetta tilkynnti Þorsteinn Halldórsson, þjálfari íslenska liðsins, í samtali við RÚV í dag en Fanney Inga er einungis 18 ára gömul.

Telma Ívarsdóttir, sem varið hefur mark Íslands í Þjóðadeildinni, tekur út leikbann annað kvöld og valið stóð því á milli þeirra Fanneyjar og Guðnýjar Geirsdóttur, markvarðar ÍBV.

Fanney Inga varði mark Íslandsmeistara Vals á síðustu leiktíð en hún á að baki 21 landsleik fyrir yngri landslið Íslands.

Unnum þá leiki sem við áttum að vinna

• Blogga um frétt