Fyrirliði FH í Víkina

Knatt­spyrnu­deild Vík­ings og hin banda­ríska Shaina Ashouri hafa kom­ist að sam­komu­lagi um að leikmaður­inn spili með liðinu á kom­andi leiktíð.

Ashouri hef­ur leikið á Íslandi frá ár­inu 2021. Hún lék sex leiki og skoraði eitt mark með Þór/​KA það ár.

Und­an­far­in tvö ár hef­ur hún svo verið í stóru hlut­verki hjá FH og verið fyr­irliði. Átti hún stór­an þátt í að liðið vann sér inn sæti í efstu deild árið 2022 og endaði í sjötta sæti í deild þeirra bestu á síðasta ári.

Hún hef­ur skorað átta mörk í 27 leikj­um í efstu deild og sjö mörk í sjö leikj­um í 1. deild­inni.

Vík­ing­ur verður nýliði í efstu deild á kom­andi leiktíð, eft­ir sig­ur í 1. deild­inni. Þá varð Vík­ingsliðið óvænt bikar­meist­ari á síðasta ári.

• Blogga um frétt