Knattspyrnumaðurinn Alex Freyr Elísson er á leið til uppeldisfélagsins Fram frá Breiðabliki.
Alex Freyr gekk til liðs Breiðablik fyrir síðasta tímabil en kom lítið við sögu og var svo lánaður til KA síðari hluta þess. Á Akureyri kom hann lítið við sögu vegna meiðsla.
433.is greinir frá því að Alex Freyr sé á heimleið og muni skrifa undir samning við knattspyrnudeild Fram. Samkvæmt Fótbolta.net skrifar hann undir á morgun.
Á ferlinum hefur Alex Freyr, sem er 26 ára hægri bakvörður, spilað 105 leiki fyrir Fram í efstu og 1. deild og skorað tíu mörk. Flesta þeirra lék hann í 1. deild, eða 85.
Lék Alex Freyr svo fjóra leiki fyrir Breiðablik og þrjá fyrir KA síðasta sumar.