Þjálfaranum frjálst að velja Albert í landsliðið
Setja bókamerki
Åge Hareide, þjálfara íslenska karlalandsliðsins í knattspyrnu, er frjálst að velja Albert Guðmundsson í íslenska landsliðshópinn á nýjan leik.
Þetta staðfesti Þorvaldur Örlygsson, formaðir KSÍ, í samtali við RÚV en Albert, sem er 26 ára gamall, var kærður fyrir kynferðisbrot í ágúst á síðasta ári.
Ákvörðun tekin í næstu viku
Héraðssaksóknari felldi niður málið í lok síðasta mánaðar og því er þjálfaranum frjáls að velja íslenska sóknarmanninn fyrir komandi landsleik gegn Ísrael í undanúrslitum umspils um sæti á EM hinn 21. mars í Búdapest í Ungverjalandi.
Eva Bryndís Helgadóttir, lögmaður konunnar sem kærði Albert, segir að ákvörðun um að kæra niðurfellingu héraðssaksóknara verði tekin snemma í næstu viku.
Þorvaldur Örlygsson var ekki tilbúinn að svara því í samtali við RÚV hvaða áhrif slík kæra hefði á stöðu Alberts í landsliðshópnum, fari svo að hann verði valinn á föstudaginn þegar Hareide tilkynnir landsliðshópinn.
Vonast eftir breiðri þverpólitískri sátt
Ekki eins og jólasveinn á hreindýrssleða
„Þetta er algerlega hans ákvörðun“
Fór 1.628 km í þágu sjálfsvígsforvarna
Ingibjörg skiptir um skoðun á ummælum Þórðar
„Mér var haldið sofandi í níu sólarhringa“
Viðreisn krefst aðildarviðræðna við ESB