Bjóst ekki við kallinu í landsliðið

Kristín Dís Árnadóttir, leikmaður Brøndby í Danmörku, var kölluð inn í landsliðshóp kvenna í fótbolta fyrir leikina gegn Póllandi og Þýskalandi í undankeppni EM.

Ísland leikur við Pólland á Kópavogsvelli á föstudaginn kemur og síðan Þýskaland ytra fjórum dögum síðar.

„Þetta eru tveir hörkuleikir, sem við förum í til að vinna. Við ætlum okkur að þora og þetta er mjög spennandi. Bæði lið eru mjög sterk og við erum spenntar að fara í þetta verkefni,“ sagði Kristín við mbl.is.

Kristín Dís ræðir við mbl.is. mbl.is/Eggert Jóhannesson

Kristín var ekki í upprunalega hópnum, en var kölluð inn þegar Hafrún Rakel Halldórsdóttir, samherji hennar hjá Brøndby, og Sædís Rún Heiðarsdóttir úr Vål­erenga í Noregi drógu sig úr hópnum vegna meiðsla.

Kristín, sem er 24 ára, hefur ekki leikið landsleik áður en verið í hópnum. „Það var mjög skemmtilegt að fá kallið. Ég bjóst ekki við því en ég er mjög spennt að vera með liðinu og sýna mig,“ sagði hún.

• Blogga um frétt