Frá París til Hlíðarenda
Setja bókamerki
Knattspyrnukonan Berglind Björg Þorvaldsdóttir er að ganga í raðir Vals frá franska félaginu París SG samkvæmt heimildum Fótbolta.net.
Berglind gekk í raðir Parísarfélagsins árið 2022 en fékk lítið að spreyta sig með liðinu, áður en hún fór í barneignarleyfi. Berglind eignaðist sitt fyrsta barn í lok síðasta árs.
Berglindi er ætlað að fylla í skarðið sem Bryndís Arna Níelsdóttir skilur eftir sig hjá Val, en Bryndís gekk í raðir Växjö eftir síðasta tímabil.
Berglind hefur skorað tólf mörk í 72 landsleikjum. Hún hefur leikið með Breiðabliki, ÍBV og Fylki á Íslandi. Erlendis hefur hún leikið með Hellas Verona, PSV, AC Milan, Le Havre, Hammarby, Brann og loks París SG.
Þá er Berglind áttunda markahæsta konan í sögu efstu deildar hér á landi en hún hefur skorað 137 mörk í 190 leikjum í deildinni. Þar af eru 105 mörk í 141 leik með Breiðabliki.
Vegirnir voru eins og borðstofuborð
Hulda saksóknari: „Tökum þetta ekki til greina“
Þarf að koma til móts við ólíkar þarfir lækna
Pútín reynir allt til að forðast aðra herkvaðningu
Dregið úr gosóróa
Flestir sem hvergi finnast koma frá Sómalíu