Víkingur meistari meistaranna eftir vítakeppni
Setja bókamerki
Bikarmeistarar Víkings eru meistarar meistaranna í kvennaflokki í fótbolta eftir sigur á Íslandsmeisturum Vals á heimavelli Valsliðsins á Hlíðarenda í Meistarakeppni KSÍ í kvöld. Réðust úrslitin í vítakeppni eftir 1:1-jafntefli í venjulegum leiktíma.
Víkingsliðið byrjaði með látum því Sigdís Eva Bárðardóttir skoraði fyrsta markið á 6. mínútu með glæsilegu skoti utan teigs eftir sendingu frá Shaina Ashouri.
Eftir markið varðist Víkingsliðið mjög vel og Valskonum gekk mjög illa að reyna á Sigurborgu K. Sveinbjörnsdóttur í marki Víkings. Hinum megin átti Víkingur nokkrar fínar sóknir, án þess að reyna meira á landsliðsmarkvörðinn Fanneyju Ingu Birkisdóttur.
Litu því fá færi dagsins ljós eftir markið í fyrri hálfleiknum og bikarmeistararnir fóru með eins marks forskot í leikhléið.
Amanda Andradóttir fékk gott færi til að jafna metin á 50. mínútu er hún slapp inn fyrir vörn Víkings en Sigurborg var snögg niður og varði vel frá henni.
Sigurborg kom hins vegar engum vörnum við tveimur mínútum síðar þegar Amanda skoraði beint úr aukaspyrnu af 25 metra færi stöngin inn.
Örfáum sekúndum síðar átti Freyja Stefánsdóttir skalla í stöngina á marki Vals og var upphaf seinni hálfleiks mun fjörlega en stór hluti fyrri hálfleiks.
Valskonur voru áfram líklegri og Nadía Atladóttir komst í tvígang nálægt því að skora gegn sínu gamla liði. Fyrst varði Sigurborg vel frá henni og í seinna skiptið hitti hún ekki boltann í dauðafæri.
Amanda átti svo skot rétt framhjá á 75. mínútu og virtist markið liggja í loftinu hjá heimakonum. Fimm mínútum síðar slapp Amanda svo ein í gegn en skaut í stöngina.
Inn vildi boltinn hins vegar ekki og var staðan jöfn eftir venjulegan leiktíma. Réðust úrslitin því í vítakeppni. Þar vann Víkingur að lokum eftir bráðabana og mikla spennu.
| Valur | 5:6 | Víkingur R. |
|
|---|---|---|---|
| Valskonur eiga fyrstu spyrnuna. Fanndís byrjar. | |||
Oddvitaviðtöl í Reykjavík suður
Bindur vonir við að koma fjárlögunum í gegn
Kílómetragjald: „Mikilvægt að málið verði klárað fyrir þinglok“
Endurskoða starfsleyfi bálstofu kirkjugarðanna
Skúli sýknaður en 780 milljóna greiðslum rift
Kvikusöfnun 80% af því sem var fyrir síðasta gos
Stjórnvöld stíga ekki inn í kjaradeilurnar
Þungt hugsi yfir ofbeldinu