„Ég hefði alls ekki nennt að fá hana suður,“ sagði Helena Ólafsdóttir, umsjónarmaður Bestu markanna og fyrrverandi landsliðskona, í upphitunarþætti Dagmála fyrir Bestu deild kvenna í knattspyrnu þegar rætt var um Þór/KA.
Þór/KA er spáð 5. sæti deildarinnar í spá íþróttadeildar Árvakurs en liðið hafnaði í fimmta sæti deildarinnar á síðustu leiktíð.
„Mér finnst frábært að Sandra María Jessen haldi tryggð við félagið sitt því því hún skiptir liðið gríðarlega miklu máli,“ sagði Helena.
„Sandra María gerir aðra leikmenn betri í kringum sig og svo er Jóhann Kristinn Gunnarsson líka með eitthvað tak á þessu liði,“ sagði Helena meðal annars.