Jóhannes Kristinn Bjarnason, leikmaður KR, fótbrotnaði gegn Fram í Laugardalnum í gær. Jóhannes var fluttur með sjúkrabíl af vellinum eftir viðskipti við Fred Saraia leikmann Fram.
Samkvæmt tilkynningu á heimasíðu KR verður Jóhannes frá vegna meiðsla í 12 vikur. Þetta er mikið áfall fyrir KR en Jóhannes hefur verið í lykilhlutverki það sem af er tímabili og lék 25 leiki fyrir Vesturbæinga á síðustu leiktíð.