Sigur norðankvenna í stórskemmtilegum leik
Setja bókamerki
Víkingur tók á móti Þór/KA í Víkinni í dag í fjórðu umferð Bestu deildar kvenna í fótbolta. Leikurinn var hin mesta skemmtun en endaði með sigri gestanna, 2:1.
Shaina Ashouri kom Víkingum yfir en Ísfold Marý Sigtryggsdóttir og Sandra María Jessen skoruðu mörk Þórs/KA, öll mörk leiksins voru skoruð í fyrri hálfleik. Víkingar eru með fjögur stig eftir leik dagsins en Þór/KA fer upp í 9 stig.
Leikurinn byrjaði fjörlega því strax á fimmtu mínútu kom Shaina Ashouri Víkingum 1:0 yfir eftir glæsilegan undirbúning Sigdísar Evu Bárðardóttur. Þór/KA lét þó ekki slá sig út af laginu og jöfnuðu metin eftir mikinn sóknarþunga á sautjándu mínútu, þar var að verki Ísfold Marý Sigtryggsdóttir eftir fyrirgjöf Söndru Maríu Jessen og staðan 1:1.
Shaina fékk dauðafæri til að koma Víkingum yfir en náði ekki að stýra boltanum í autt mark gestanna eftir annan glæsilegan sprett og fyrirgjöf Sigdísar.Sandra María refsaði Víkingum fyrir klúðrið því mínútu síðar skoraði hún með þrumuskoti í þaknetið rétt utan vítateigs. Frábært mark hjá Söndru og gestirnir búnir að snúa 1:0 stöðu í 1:2.
Síðari hálfleikur róaðist töluvert, mikil barátta einkenndi leikinn en jafnræði var með liðunum. Bergdís Sveinsdóttir átti besta færi síðari hálfleiks þegar hún prjónaði sig í gegnum vörn gestanna en skot hennar hafnaði í þverslánni úr dauðafæri. Þrátt fyrir sóknir á báða bóga urðu mörkin ekki fleiri og Þór/KA tók stigin þrjú með sér norður.
| Víkingur R. | 1:2 | Þór/KA |
|
|---|---|---|---|
| 4 mínútur í uppbót | |||
Pútín reynir allt til að forðast aðra herkvaðningu
Viðræður ekkert þokast frá því á þriðjudag
„Höfum sloppið bærilega með skaða af þessu gosi“
Fullvissa ferðamenn um að hér sé öruggt
Hótar Bretum og Bandaríkjamönnum
Rússar sagðir útvega N-Kóreu milljón olíutunnur
