Þrír leikir fara fram í 5. umferð Bestu deildar kvenna í knattspyrnu í kvöld.
Tvöfaldir Íslandsmeistarar Vals fá Tindastól í heimsókn klukkan 17.30. Valur hefur unnið fyrstu fjóra leiki sína og er í öðru sæti á eftir Breiðabliki vegna markatölu.
Þá hefur Tindastóll einnig fagnað góðu gengi en liðið er í fjórða sæti með sex stig, tvo sigra og tvö töp.
Stjarnan fær FH í heimsókn á Stjörnuvöllinn klukkan 18.
Stjörnuliðið er í áttunda sæti með aðeins þrjú stig eftir fjóra leiki og þarf liðið því nauðsynlega á sigri að halda.
FH er í fimmta sæti með sex stig, tvo sigra og tvö töp, og getur haldið góða árangri sínum áfram með sigri í Garðabænum.
Þór/KA fær þá botnlið Keflavíkur í heimsókn í Bogann klukkan 18.
Akureyrarliðið er í þriðja sæti með níu stig en Keflavík er í neðsta sæti án stiga.
Sandra María Jessen hefur algjörlega farið á kostum í liði Þórs/KA og skorað átta mörk í fjórum leikjum.
Leikirnir þrír verða í beinni textalýsingu á mbl.is.