Valur í undanúrslit eftir vítaspyrnukeppni

Kefla­vík og Val­ur átt­ust við í 8-liða úr­slit­um bik­ar­keppni karla í fót­bolta í dag og lauk leikn­um með sigri Vals­manna eft­ir fram­lengd­an leik og víta­spyrnu­keppni. Staðan var 3:3 eft­ir fram­leng­ingu og vann Val­ur 5:3 í víta­spyrnu­keppni. Leikið var á Kefla­víkurelli í Reykja­nes­bæ.

Vals­menn áttu mun fleiri færi í fyrri hálfleik og voru oft ná­lægt því að skora en þökk sé góðri vörn Kefla­vík­ur og þá sér­stak­lega markvörsl­um Ásgeirs Þórs Magnús­son­ar í marki Kefla­vík­ur náðu Vals­menn ekki að koma bolt­an­um inn fyrr en á 33. mín­útu þegar Pat­rick Peder­sen skoraði eft­ir klaufagang í vörn Kefla­vík­ur. Staðan 1:0 fyr­ir Val.

Á 38. mín­útu jöfnuðu Kefl­vík­ing­ar með marki frá Ásgeiri Páli Magnús­syni eft­ir mis­heppnaða hreins­un hjá Vals­mönn­um. Staðan 1:1 og voru það hálfleikstöl­ur.

Síðari hálfleik­ur fór ró­lega af stað og gerðist í raun ekk­ert markvert fyrr en á 56. mín­útu þegar Dag­ur Ingi Vals­son skoraði eft­ir bar­áttu inni í víta­teig Vals­manna. Val­ur Þór Há­kon­ar­son skaut tvisvar sinn­um að marki Vals en varn­ar­menn vörðust skot­un­um. Í síðara skot­inu barst bolt­inn til Dags Inga sem skaut rétt utan víta­teigs í blá­hornið nær og skoraði. Staðan 2:1 fyr­ir Kefla­vík.

Á 68. mín­útu jöfnuðu Vals­menn leik­inn. Þá gaf Krist­inn Freyr Sig­urðsson bolt­ann fyr­ir markið og þar setti Gunn­laug­ur Fann­ar Guðmunds­son bolt­ann í eigið mark í til­raun sinni til þess að koma bolt­an­um frá en Pat­rick Peder­sen var í bak­inu á hon­um, til­bú­inn til að setja bolt­ann yfir marklín­una. Staðan 2:2.

Þess ber að geta í lið Kefla­vík­ur vantaði þrjá lyk­il­menn. Frans Elvars­son, Sindri Snær Magnús­son og Sami Kam­el voru all­ir fjarri góðu gamni í dag. 

Á 83. mín­útu leiks­ins kom Gylfi Þór Sig­urðsson inn á hjá Vals­mönn­um í staðinn fyr­ir Bjarna Mark Ant­ons­son. 

Annað markvert gerðist ekki í síðari hálfleik og lauk venju­leg­um leiktíma með jafn­tefli, 2:2, og því þurfti að fram­lengja. 

Vals­menn byrjuðu fram­leng­ing­una og á 93. mín­útu komst Gylfi Þór Sig­urðsson í mjög álit­legt færi þegar hann sólaði sig í gegn­um vörn Kefla­vík­ur og skaut í átt að fjær­horni marks Kefla­vík­ur en bolt­inn rétt fram­hjá.

Á 97. mín­útu fengu Kefl­vík­ing­ar hálf­færi þegar Dag­ur Ingi fékk frítt skot utan teigs en bolt­inn langt yfir. Í sömu andrá brunuðu Vals­menn upp í sókn. Þar var á ferðinni Adam Ægir Páls­son sem brunaði upp vinstri kant­inn, gaf bolt­ann fyr­ir og þar var Jónatan Ingi Jóns­son sem tók við bolt­an­um og skoraði lag­legt mark. Staðan 3:2 fyr­ir Val.

Á 101. mín­útu fékk Mama­dou Diaw al­vöru færi eft­ir horn­spyrnu en skot hans fram­hjá. Illa farið með mjög gott færi.

Staðan í hálfleik fram­leng­ing­ar 3:2 fyr­ir Vals­menn.

Það gerðist ná­kvæm­lega ekk­ert markvert í síðari hálfleik fram­leng­ing­ar­inn­ar fyrr en á 120. mín­útu þegar Kefla­vík jafnaði leik­inn. Það gerði Gabrí­el Aron Sæv­ars­son eft­ir langt innkast. 

Stuttu síðar flautaði Pét­ur Guðmunds­son til leiks­loka og víta­spyrnu­keppni framund­an.

Það voru síðan Vals­menn sem unnu víta­spyrnu­keppn­ina 5:3 en Kefl­vík­ing­ar þurftu ekki að taka síðasta vítið sitt og fara Vals­menn áfram í undanúr­slit eft­ir sig­ur, sam­an­lagt 8:6.

Kefla­vík	6:8	Val­ur	Opna lýs­ingu Loka
121. mín. Kári Sig­fús­son (Kefla­vík) skor­ar úr víti SVELL­KALD­UR!
Ásgeir Páll Magnússon (38. mín.) Dagur Ingi Valsson (56. mín.) Gabríel Aron Sævarsson (120. mín.) Kári Sigfússon (121. mín.) Dagur Ingi Valsson (121. mín.) Ásgeir Páll Magnússon (121. mín.) Mörk Patrick Pedersen (33. mín.) Valur (68. mín.) Jónatan Ingi Jónsson (97. mín.) Tryggvi Hrafn Haraldsson (121. mín.) Jónatan Ingi Jónsson (121. mín.) Gylfi Þór Sigurðsson (121. mín.) Adam Ægir Pálsson (121. mín.) Kristinn Freyr Sigurðsson (121. mín.) Spjöld Adam Ægir Pálsson (120. mín.) mín. 121 Leik lokið Valsmenn vinna vítaspyrnukeppnina og eru komnir í undanúrslit. 121 MARK! Kristinn Freyr Sigurðsson (Valur) skorar úr víti 121 MARK! Ásgeir Páll Magnússon (Keflavík) skorar úr víti 121 MARK! Adam Ægir Pálsson (Valur) skorar úr víti 121 MARK! Dagur Ingi Valsson (Keflavík) skorar úr víti Öruggt. 121 MARK! Gylfi Þór Sigurðsson (Valur) skorar úr víti Gylfi skorar af miklu öryggi. 121 Nacho Heras (Keflavík) skorar ekki úr víti Fyrirliðinn klikkar. Frederik Schram ver. 121 MARK! Jónatan Ingi Jónsson (Valur) skorar úr víti Jónatan Ingi sendir Ásgeir Orra í rangt horn. 121 MARK! Kári Sigfússon (Keflavík) skorar úr víti SVELLKALDUR! 121 MARK! Tryggvi Hrafn Haraldsson (Valur) skorar úr víti Stöngin inn. 120 Leik lokið VIÐ FÁUM VÍTATSPYRNUKEPPNI. 120 Adam Ægir Pálsson (Valur) fær gult spjald Þetta var algjört pirringsbrot. Fyrsta spjald leiksins. 120 MARK! Gabríel Aron Sævarsson (Keflavík) skorar 3:3. KEFLAVÍK JAFNAR LEIKINN!!!!!! Við erum á leiðinni í vítakeppni. 119 Keflavík fær hornspyrnu Jæja! Nú er lag! 113 Gabríel Aron Sævarsson (Keflavík) kemur inn á 113 Axel Ingi Jóhannesson (Keflavík) fer af velli 113 Valur fær hornspyrnu 110 Það hefur nákvæmlega ekkert gerst í síðari hálfleik framlengingar sem vert er að skrifa um. Hér er sól og blíða og örlítill vindur. 106 Seinni hálfleikur hafinn 106 Óliver Andri Einarsson (Keflavík) kemur inn á 106 Stefán Jón Friðriksson (Keflavík) fer af velli 105 Hálfleikur 101 Mamadou Diaw (Keflavík) á skot framhjá Þarna gat hann jafnað! 99 Gísli Laxdal Unnarsson (Valur) kemur inn á 99 Patrick Pedersen (Valur) fer af velli 97 MARK! Jónatan Ingi Jónsson (Valur) skorar 2:3. Adam Ægir Pálsson brunar upp völlinn vinstramegin, kemur boltanum fyrir og þar er Jónatan mættur og skorar. 97 Dagur Ingi Valsson (Keflavík) á skot yfir Aldrei hætta svo sem. 93 Gylfi Þór Sigurðsson (Valur) á skot framhjá Þarna voru gæði á ferð. Gylfi sólar mann og annan og setur svo boltann á fjær hornið og freistar þess að skora en skotið rétt framhjá. 91 Leikur hafinn Valsmenn byrja framlenginguna. 90 Leik lokið Við fáum framlengingu. 90 4 mínútum bætt við venjulegan leiktíma. Við stefnum í framlengingu hér í Reykjanesbæ. 90 Hörður Ingi Gunnarsson (Valur) kemur inn á 90 Birkir Már Sævarsson (Valur) fer af velli 83 Kári Sigfússon (Keflavík) kemur inn á 83 Valur Þór Hákonarson (Keflavík) fer af velli 83 Gylfi Þór Sigurðsson (Valur) kemur inn á 83 Bjarni Mark Duffield (Valur) fer af velli 80 Keflavík fær hornspyrnu 79 Valur fær hornspyrnu 75 Keflavík fær hornspyrnu 75 Edon Osmani (Keflavík) kemur inn á 75 Ari Steinn Guðmundsson (Keflavík) fer af velli 74 Það skal tekið fram að í lið Keflavikur vantar þrjá lykilmenn. Það eru þeir Frans Elvarsson, Sami Kamel og Sindri Snær Magnússon. 72 Keflavík fær hornspyrnu Sem ekkert verður úr. 68 MARK! Valur (Valur) skorar 2:2. Sjálfsmark. Kristinn Freyr gefur boltann fyrir markið alveg við endalinuna og þar er Gunnlaugur sem setur boltann í eigið marka en beint fyrir aftan hann var Patrick sem hefði skorað. Gunnlaugur reyndi að koma boltanum frá en því miður sjálfsmark. 64 Adam Ægir Pálsson (Valur) kemur inn á 64 Guðmundur Andri Tryggvason (Valur) fer af velli 56 MARK! Dagur Ingi Valsson (Keflavík) skorar 2:1. Darraðadans í vítateig Valsmanna. Valur Þór skýtur tvisvar sinnum á markið en vanrarmenn Vals verjast skotinu og síðan berst boltinn út á Dag Inga sem hamrar boltann rétt við vítateigslínuna í nær hornið og skorar. 51 Keflavík fær hornspyrnu Ásgeir Páll með fyrirgjöf en Frederik Schram slær boltann yfir slána og í hornspyrnu. 47 Axel Ingi Jóhannesson reynir álitlega fyrirgjöf en það er enginn á svæðinu til að stanga boltann í netið. 46 Seinni hálfleikur hafinn Valsmenn byrja síðari hálfleikinn. 45 Hálfleikur Staðan í hálfleik er jöfn 1:1. 38 MARK! Ásgeir Páll Magnússon (Keflavík) skorar 1:1. Löng sending inn í teig Valsmanna og þeir ná ekki að hreinsa frá og eru ansi klaufalegir. Það notfæra Keflvíkingar sér og skora. 36 Dagur Ingi Valsson (Keflavík) á skot framhjá Reynir að skrúfa boltann upp í fjær hornið en boltinn fer framhjá. 33 MARK! Patrick Pedersen (Valur) skorar 0:1. Þetta lá í loftinu. Boltinn berst inn í teig og heimamenn ná ekki að hreinsa frá. Pedersen nær boltanum og skorar. Sanngjörn forysta Valsmanna er staðreynd. 31 Patrick Pedersen (Valur) á skalla í þverslá Þverslá og aftur fyrir endamörk. 31 Valur fær hornspyrnu 30 Valur fær hornspyrnu Guðmundur Andri í álitlegu færi og skot hans í vanrarmann og afturfyrir. Keflvíkingar að standast þung áhlaup Valsmanna. Það er vel gert. 25 Bjarni Mark Duffield (Valur) á skalla yfir Skallar yfir úr horninu. 25 Valur fær hornspyrnu Keflvíkingar eru að verjast mjög vel í dag. 23 Patrick Pedersen (Valur) á skalla sem er varinn AFTUR VER ÁSGEIR ORRI DAUÐAFÆRI. Pedersen fékk boltann á fjær stönginni og skallar að marki. Það bjuggust allir við marki hér í blaðamannastúkunni en Ásgeir Orri var alls ekki sammála og varði vel. 16 Valur fær hornspyrnu 14 Ari Steinn Guðmundsson (Keflavík) á skalla sem fer framhjá 12 Kristinn Freyr Sigurðsson (Valur) á skot sem er varið 10 Jónatan Ingi Jónsson (Valur) á skot sem er varið DAUÐAFÆRI!!! Jónatan Ingi einn inni í markteig og skýtur en Ásgeir Orri ver glæsilega í hornspyrnu. 10 Valur fær hornspyrnu 8 Tryggvi Hrafn Haraldsson (Valur) á skot sem er varið Alvöru skotfæri. Vel varið hjá Ásgeiri og Keflvíkingar hreinsa frá. 2 Last dagsins fer á stuðningsmenn liðanna sem mættu EKKI á völlinn í dag. Það er afar fámennt á vellinum í þessu blíðskaparveðri sem er örsjaldan í Keflavík. Það er samt nánast alltaf logn í Njarðvík. Hrósið fer auðvitað til þeirra dyggu stuðningsmanna sem eru hér mættir og fá bæði skemmtilegan fótboltaleik og sólbað á sama tíma. Svokallað 2 fyrir 1. 2 Sigurður Egill Lárusson (Valur) á skot yfir Fyrsta skot leiksins komið. Langt yfir markið. 1 Leikur hafinn Heimamenn byrja leikinn. 0 Valsmenn leika auðvitað í Bestu deildinni og eru í þriðja sæti deildarinnar. 0 Það er talsverður munur á þessum liðum ef litið er á pappírana frægu. Keflavíkurliðið spilar í næst efstu deild og situr þar í 4 sæti eftir 2 sigra, 2 jafntefli og 2 töp. 0 Gylfi Þór Sigurðsson er á bekknum hjá Val í dag en hann er að koma til baka eftir meiðsli. 0 Keflavíkurvöllur er iðagrænn og flottur fyri leik dagsins. Liðin eru komin út á völl að hita upp. 0 Komið þið sæl og verið velkomin með mbl.is í beina textalýsingu frá leik Keflavíkur og Vals í átta liða úrslitum bikarkeppni karla í knattspyrnu. Sjá meira Sjá allt Keflavík: (4-4-2) Mark: Ásgeir Orri Magnússon. Vörn: Axel Ingi Jóhannesson (Gabríel Aron Sævarsson 113), Gunnlaugur Fannar Guðmundsson, Ásgeir Helgi Orrason, Ásgeir Páll Magnússon. Miðja: Nacho Heras, Stefán Jón Friðriksson (Óliver Andri Einarsson 106), Mamadou Diaw, Ari Steinn Guðmundsson (Edon Osmani 75). Sókn: Dagur Ingi Valsson, Valur Þór Hákonarson (Kári Sigfússon 83). Varamenn: Rúnar Gissurarson (M), Gabríel Aron Sævarsson, Óliver Andri Einarsson, Edon Osmani, Aron Örn Hákonarson, Kári Sigfússon, . Valur: (4-3-3) Mark: Frederik Schram. Vörn: Birkir Már Sævarsson (Hörður Ingi Gunnarsson 90), Jakob Franz Pálsson, Elfar Freyr Helgason, Sigurður Egill Lárusson. Miðja: Bjarni Mark Duffield (Gylfi Þór Sigurðsson 83), Kristinn Freyr Sigurðsson, Jónatan Ingi Jónsson. Sókn: Guðmundur Andri Tryggvason (Adam Ægir Pálsson 64), Patrick Pedersen (Gísli Laxdal Unnarsson 99), Tryggvi Hrafn Haraldsson. Varamenn: Stefán Þór Ágústsson (M), Hörður Ingi Gunnarsson, Gísli Laxdal Unnarsson, Lúkas Logi Heimisson, Gylfi Þór Sigurðsson, Adam Ægir Pálsson, Ólafur Karl Finsen. Skot: Keflavík 10 (6) - Valur 16 (13) Horn: Keflavík 5 - Valur 7. Lýsandi: Jón Kristinn Jónsson Völlur: HS Orku völlurinn Leikur hefst 9. júní 2024 16:00 Aðstæður: Dómari: Pétur Guðmundsson Aðstoðardómarar: Bryngeir Valdimarsson og Ragnar Þór Bender

• Blogga um frétt