ÍA náði stigi af Blikum
Setja bókamerki
Breiðablik og ÍA gerðu 1:1 jafntefli í leik liðanna í Bestu deild karla á Kópavogsvelli í kvöld. Breiðablik er í öðru sæti deildarinnar eftir þessi úrslit með 26 stig en lið Víkings er á toppnum í deildinni með 27 stig. Lið ÍA er áfram í fjórða sæti deildarinnar með 17 stig.
Leikurinn var algjör einstefna í fyrri hálfleik en á einhvern ótrulegan hátt náðu heimamenn ekki að koma boltanum í netið. Leikmenn ÍA komu mun sprækari til leiks í seinni hálfleik og komust yfir á 58. mínútu leiksins en þá skoraði Marko Vardic eftir hornspyrnu Steinars Þorsteinssonar. Vardic var á fjarstönginni og setti boltann smekklega í netið.
Leikmenn Breiðabliks pressuðu vel á gestina eftir markið og náðu loksins að jafna metin en markið gerði Höskuldur Gunnlaugsson úr vítaspyrnu á 82. mínútu leiksins. Viktor Jónsson fékk tækifæri til að tryggja Skagamönnum sigurinn á lokasekúndum leiksins en Anton Ari Einarson náði að verja frá honum. Lokatölur því 1:1 á Kópavogsvelli.
Bæði Breiðablik og ÍA eiga aftur leik í Bestu deild karla næsta föstudagskvöld. Breiðablik fer þá í Hafnarfjörð og mætir FH á Kaplakrikavelli en lið ÍA fær Valsmenn í heimsókn á Akranesvöll.
| Breiðablik | 1:1 | ÍA |
|
|---|---|---|---|
| Það verða að minnsta kosti fimm mínútur í uppbótartíma í seinni hálfleik hér á Kópavogsvelli. | |||
Gerbreytt staða hælisleitarmála
Dómari telur að Daði hafi logið
„Við verðum að vinda ofan af þessu“
Hyggst leiða ríkisstjórnina til enda
Tveir stungnir í gistiskýlinu á Granda
„Í næsta mánuði fékk ég uppsagnarbréf“
Ekki meitlað í stein að það sé komin kreppa
Einn játað sök í stóra fíkniefnamálinu