Landsliðskonan Ólöf Sigríður Kristinsdóttir, leikmaður Breiðabliks og íslenska landsliðsins, sleit krossband í hnénu á dögunum.
Ólöf lenti illa í kapphlaupi um boltann á 53. mínútu í leik Breiðabliks gegn Víkingi sem liðið tapaði 2:1.
Hún er með slitið krossband í hné og verður frá að minnsta kosti níu mánuði. Hún missir af því sem eftir er af tímabilinu í Bestu deild og tímabilinu í háskólaboltanum í Bandaríkjunum en hún er í skólaliði Harvard.
Agla María Albertsdóttir fór einnig meidd af velli en hún er með skaddað liðband í hné og verður frá í sex til átta vikur.