Vigfús Arnar Jósepsson er nýr aðstoðarþjálfari meistaraflokks karla hjá KR í knattspyrnu.
KR tilkynnti þetta í dag á samfélagsmiðlum en Vigfús þjálfaði síðast Leikni í Reykjavík í 1. deild karla en hætti í byrjun júní þegar liðið var í neðsta sæti með þrjú stig eftir sex leiki.
Pálmi Rafn Pálmason var ráðinn sem aðalþjálfari út tímabilið í gær en hann tók við liðinu af Gregg Ryder sem var rekinn.
Vigfús er fyrrum leikmaður KR og stýrir liðinu með Pálma út tímabilið.